سبحــان مغير الاحوال ..

قبل شهر تقريبا الوالدة الله يحفظها ارسلت معي غرض اوديه لبنت عمها اللي ساكنه عندنا بمدينة تبوك .. صراااحه انا كنت مقصر بحقها بالزيارات ما زرتها غير مرتين او ثلاث وانا لي 4 سنوات بتبوك ..

المهم ..

رحت يم بيتهم وطقيت الباب وطلع لي وااحد اول مرة اشووفه ، قام وسلم علي وسألته هذا بيت ابو باسم قال لي : ماعرفتني . قلت : لا والله ما عرفتك . قال لي : انا باسم << كل هالشحوم واسمك بااسم خخخخخ لو اسمك مرزوق ارحم من باسم

انا انخرعت بل اصابتني الدهشة مما رأيته .....

قلت له : يا ولد وش اللي مغيرك اخبرك ما تجي كبر اصبع الابهام بيدي اليسرى انت ووجهك ، ضحك وقال : يا ولد السنين تركض ويمكن بيوما من الايام اسبقك بالعمر خخخخخخ ..

عاد عمره لا يتجاوز 18 سنة وطولة على ما رايته واستنتجته انه يتعدى 175 سم ووزنه 85 طن ماهو كيلو .. والسكسوكة طال عمرها مرتزة << اكثر شي قااهرني


المهم اني تفاجأت بشكله وجسمه وسكسوكته المنحوته نحت بوجهه ..

خلاصة الموضوع ... وش سالفة بزران اليوم .. تتفاجأ باشكالهم ااذاا وصلوا مرحلة البلوغ تلقاه يتغير 180 درجه ، السؤال هنا : هل النظام الغذائي حقهم يفرق عن نظام الاشخااص اللي ولدوا قبل عام 1409 ولا حنا ماناكل زين ولا حليب النيدو يختلف عن قبل ولا وش السالفة

^^^^
اما السكسوكة هاااذي فااااقعه مرارتي ومؤرقه جفن عيني الحين انا لي سنين ودنين محاافظ عليها من الانقراااض واخرتها تطلع حبه خال بخدي وهم بين يوم وليلة السكسوكة اكثر من شعر رأسي << بالهمزة << اللهم لا اعترااض


>> سؤال شااطح عن الموضووع : ماهو جمع كلمة سكسوكة ؟


همسة قبل الختام :
الى كل شخص بدأت حياته من عام 1405 الى عام 1409 يسدح لنا شعوره عن هذه الظاهر المخيفة والمرعبة عن هذه الفئة ...

لكم