نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - صور بسيطة لمتجر الهلال وبعض السلبيات والايجابيات بوجهة نظري ~

راس ابو قميص · #1 11/02/2011, 03:21 AM

السلام عليكم ورحمة الله وبركاته

بالبداية أشكر عبدالرحمن بن مساعد ع الانجازات الاستثمارية والاقتصادية الي سواها لنادي القرن ونادي العقد

صراحة هالرجال اللسان والقلب يعجز عن التعبير وايصال ولو حق بسيط له من الشكر

لكن مانقدر نقول الا
الله يعطيك الصحة والعافية ويشفي والدك ويعافيه ي ربي :ق1: ويوفقك دنيآ وآخرة ي ربي

:

طبعا المتجر مفتوح له 4 ايام

وكانوا الزباين مرره عليه ما شاء الله وربي يدوومهم ويخليهم

صراحة المتجر في قمة الاحتراف بالتصميم والتنسيق والترتيب .

من خلال هالموضوع رآح اقول لكم اهم العيوب والمميزات في المتجر

لكن بعد مانخلص من الصور .

بليز لاحد يصجني بالحقوق الي على الصور هذا نكّي المشهور

بس سجلت هنا بهالنك لأني عجززت صراحة ادبر لي لقب زين واحصله بسهولة

* تراي ماصورت لكم المتجر كامل لأن الزحمة ماتخليك حتى تاخذ راحتك بالتسوّق .
وغير كذا أكثر من 800 صنف فما تعرف وش تصور وش تخلّي
ويمكن عشاني جيت متأخر صايره الدنيا حوسة وخرابيط وقراطيس وتسذا يعني

لكنّي صورت أهم الحاجات الحلوة الي اعجبتني

بالبداية راح استعرض لكم صورة المعرض من الخارج وطريقة تصميم اللائحة الاعلانية

والبوابة

وهذي بعض الاظقم المعروضة

وهون الجاكيتات والتيشيرز

وهذي بعض الجزم اعزكم الله

وهذي شنط , فيه شنط صراحة كثير كثير كثير
فيه للسفر وفيه للاب توب وفيه للأكل وفيه حقائب .
لكن صورت لكم هالشويتين

وهذي بعض صور للكاب

وهون سرير يهبل للأطفال

أما ابو نفرين يقولون خلّص ههههههههههه
حجزت لي واحد

صورة لزاوية فيها بعض الشاشات وعرض ( مصوّر ) لأهم اللاعبين التاريخيين الي مروا ع نادي الهلال :ق1:
( عشان تدرون ان المحل حيل زحمة شوفوا راس هالي مخرب

)

وآخيرا صورة لهالولد ربي يحفظة طلب منّي اصورة

فديته ربّي يحفظة

المهم نجي الحين للمميزات :

ديكور مرتب ومنسق تنسيق هلالي بحت .
ترتيب الملابس وطريقة عرضها ذوق .
تنسيق الملابس بشكل جميل وطريقة تصميمها احترافية .
توفير العمال لكل قسم من أقسام المحلات لأكثر من شخص يساعدك باحضار الطلبات وتوفير اي شي ناقص
الخامات حيل روعه والأقمشة من جد متعوب عليهآ .
موقع المحل مره مضبوط ( سهل التوصيف بسبب وجوده في احد أشهر شوارع الرياض - التحلية ) .

كل شي في المحل مميز مانقدر نحكي ونتكلم عن الزعيم

السلبيات الي شفتها في وجهة نظري :

أكثر من عامل سعودي شفته ما يشجع الهلال . ( يسبب تشويه للمحل )
قلة الكاشيرات والزحمة الزايدة فيه ( انا جلست أكثر من ساعه ونص عشان أحاسب ) .
عدم توفير كميات كبيرة للصنف . ( أكثر من حاجة كنت ابغاها ولا حصلتها )

ممكن هذي بس السلبيات الي شفتهآ

طبعا الأسعار ماحبيت احطها لا سلبية ولا إيجابية لأنها متوسطة بزيادة < افهموها عاد خخخ

طبعا انا شريت
اساور - شنطة سفر - كبك هلالي - تي شيرت - خرم لشعار الهلال توضع في اي قطعه ملابس - سلسال ذهب ابيض لخيتو عليه اسم الهلال

)

واعذرونا ع قل الصور والكلآفة

وان شاء الله تشوفوني بتغطيات اكبر وصور احلى واكثر

كل التوفيق للزعيم

وترقبوا افتتاح متجر الفقر بجانب سوق عتيقه