بسم الله الرحمن الرحيم
السلام عليكم ورحمة الله وبركاته
مممـ كلنا شفنا كأس الخليج ومستوى منتخبنا المتدني
وشفنا المنتخب اللي تم أعداده
لكأس العالم وش لون خذلنا في كل المباريات اللي خاضها في كل البطولات السابقه ...
وللأسف مو هذا الموضوع اللي اتكلم فيه ..!!
انا ابي اتكلم عن ناصر الجوهر ، وعن اللقاء اللي دار امس في القناة الرياضيه الثالثه !!
شاهدنا " ناصر الجوهر " يتفلسف ويتكلم
،، ماادري وش يبي بالضبط
تم سؤاله سؤال عن التشكيله اللي تم أختياره لتلعب في كأس الخليج ؟
وأخونا راح يلف يمين ويسار ويحك أذنه وماالباقي الا يدخل اصباعه في خشمه
قام يقول تم التنسيق مع المدرب قبل مايوصل ورسلوله التشكيله ومن الكلام اللي ماياكل خبز :p
ولكن يا ناصر على مين تلعبها
كلنا نعرف انه مدرب جديد ومن المستحيل يختار التشكيله
لانه لا يعرف مين بختار مانلومه مدرب جديد ، وبكذا أنت ياناصر الوحيد اللي يقدر يختارالتشكيله
وعلشان كذا تم سؤالك عن سبب اختيار الدعيع مع العلم انه احتياط في ناديه ولم يلعب قرابة السنه
وكالعاده راح مدربنا الفاضل يلف ويدور
لين ماحصل جواب وقال : (( كان المنتخب في الماضي يضم سبعة لاعبين احتياط في ناديهم )) وسأله المقدم أذكرلي هم ، قال ناصر
( ما اقدر اذكر لك اسماء )) انا اقول ياناصر لعبتاها صح برافو عليك
في نهاية الموضوع ، اتمنى البهلله اللي صارت في كأس الخليج ماتصير في التصفيات
وتقبلوا تحياتي
