خـسـارة اقدر اقول عنها مستحقة ..

ابتكلم عن مورينهو والتشكيلة الي بدأ فيها ..
اربيلوا - البيول-كارافاليو-راموس
لاس-خضيرة
اوزيل
رونالدو - بنزيما - دي ماريا

خضيرة و لاس .. الف علامة استفهام على مشاركتهم مع بعض ..
اتفقنا وشفنا اكثر من مرة .. انهم مع بعض يقدمون عـكـ كروي رهيب ..

لاتوصيل كورة صح لا استخلاص كور صح .. لعبهم مع بعض يجبر فريقنا كامل انه يلعب عند الدائرة ويعطي الفرصة للمنافس انهم يتقدم ..
راح اوضح هاذي المسألة قدام ..

كان بالإمكان مشاركة غرانييرو بدل واحد منهم على الاقل يوصل كرات صح ..

كاسياس الى البيول الى كارا الى خضيرة الى كاسياس ..
هاذا كان مسار الكورة طول المباراة ..

الونسو كان المفروض اشراكه من بداية الشوط الثاني .. لاحظنا انعزال تام بين الدفاع والوسط ..
مافي اي كورة طلعت من الدفاع الى الوسط او الهجوم بشكل صحيح ..

كنا نشوف اجتهادات من كرستيانو واوزيل وحتى بنزيما .. كل واحد منهم يرجع يستلم كورة قريب من دائرة نص الملعب !!!

أكثر لاعب لمس الكورة كاسياس !! دفاعنا يوصل الى نص الملعب بالكورة .. ثم يرجعها لكاسياس !!

مافي اي تحركات بدون كورة .. مافي اي محاولة لخلق مساحات .. مافي حتى عرضيات او لعب على الاطراف صحيح ؟!!

وبعد تسجيل اوساسونا الهدف .. مورينهو ثلاث تبديلات مع بعض ؟!؟! والله ما اذكر ولا مرة شفت مباراة وشفت ثلاث تبديلات مع بعض ؟!!

دخول الونسو كان المفروض من بداية الشوط الثاني .. الخلل كان واضح جدا في توزيع الكرات ..

بتأخير دخول الونسو الفريق اجبر انه يلعب الكورة بنص ملعبنا .. وشفنا مع اول غلطة جا الهدف ..

دخول اديبايور .. تبديل صحيح .. بس وش الفايدة منه اذا ما استفدت منه صح ؟؟ يعني لاعب رهيب بالكرات العرضية .. من اول ما دخل الظاهر ما شفنا الا كرتين عرضيتين او ثلاث بالكثير ؟!!!!

دخول كاكا ؟!!!

يعني عندك بيدرو ليون الجاهز بدنيا وفنيا وتدخل كاكا ؟!!! كان ممكن بدخول بيدرو اننا نشوف كرات عرضة اكثر .. ممكن نستغلها بوجود اديبايور وكرستيانو وبتقدم راموس ..


.............................

خسارة كانت بسبب الريال اولا واخير .. ابي افهم فريق زي ريال مدريد ليه يجعل المباراة توصل للمرحلة هاذي ؟!!!

مفروض اول نص ساعة بالمباراة تحاول تحسمها .. مفروض ما نطلع من اي شوط اول والنتيجة سلبية ..

متى اشوف الفريق يتحكم برتم المباراة .. يحرك الكورة على راحته .. تعبنا واحنا نعتمد على الفرديات والاجتهادات ..

شاهدنا الفريق في أكثر من مباراة حسمها بشكل جماعي بلعب رائع وسلس وأهداف من اكثر من لاعب .. اخر مباراة كانت ضد اياكس في هولندا .. من بعدها وفريقنا مرة فوق ومرة تحت ؟!!!


......................................

الموضوع مو ان برشلونة قوي وفريقنا ضعيف ..

الموضوع ان برشلونة دايم بعد اول ربع او ثلث ساعة تشوفه مسجل هدف هدفيين مخلص المباراة ..

حتى ضدنا .. سجلوا اول ثلث ساعة هدفيين وخلصنا ..

الي ابي اوصل له .. ان الفريق مفروض ما يوصل بالمباراة الى هاذي الدرجة .. لازم لازم يخلصها من بدري ويرتاح ..

لو افترضنا الريال سجل اليوم بأول ربع ساعة .. كان شفنا اوساسونا يتقدم يحاول تعديل النتيجة ..
وهاذا راح يترك مساحات يسهل استغلالها بتسجيل الثاني .. من بعدها تقدر توصل بالمباراة الى مهرجان اهداف وانت مرتاح .. !

................................