18/01/2011, 03:38 PM
|
| زعيــم مميــز | | تاريخ التسجيل: 25/09/2005
مشاركات: 4,436
| |
الاداره حاطه مورينهو في وجه المدفع .. اي خروج من اي بطوله او اذا طلعنا من الموسم دون بطوله .. الجماهير والاعلام ما راح يرحم مورينهو ما راح احد يلوم فالدانو او بيريز او بارديزا او بوتراجينهو خلاص انت يا فالدانو مدير رياضي .. المدرب يصيح له 5 شهور يبي مهاجم وانت ما شاء الله .. بسم الله عليك نظرتك ثاقبه و نبيه و ذكي و مكار بعد تقول لا الفريق ما يحتاج مهاجم والا ترى عيال الكاستيا منسدحين عندك اذا تبي بطولات لازم تدفع .. كل شئ له مهر بهالدنيا .. مافيه شئ ببلاش مستحيل تلقى فريق اوروبي كبير ما عنده الا مهاجمين ؟ لاحظوا ان ما عندنا مهاجم صريح الا واحد لا ومب ذيك الزود بعد .. اسم مهاجم و نلعب على بعض انه موهبه وانه خليفة رونالدو برشلونه بعزه كان تيري هنري احتياط لـ ايتو و اوقات كان لارسون و بويان احتياط لـ ايتو انتر اللي جاب الخماسيه .. هجومه (ايتو ـ ميليتو ـ بانديف ـ بالوتيللي ) مانيو بعزه (روني ـ بيرباتوف ـ تيفيز ) وحنا منسدحين ونلعب على بعض و داخلين الموسم بـ هيجوين و بنزيما والحين صفت على بنزيما لحاله ونقول لا والله مورينهو هو السبب في تعادل لا يا حبيبي .. الاداره هي السبب اداره عاجزه توفر مهاجم حتى لو كان مغمور .. اهم شئ انه يوفر حلول للفريق الاداره سمحت لراؤول يطلع من النادي لانها لعبت على مورينهو وقالت نبي نعوضك بالبديل .. واخرته الهديه وشهي ؟ مسعود اوزيل ما اختلف على امكانياته و مستواه معنا .. بطل الى ابعد الحدود  لكن الفريق مب في حاجه ماسه لمسعود بعكس الحاجه الماسه للمهاجم (9) فالدانو ؟ خخخخخ وش منصبه .. مدير رياضي ؟ لا والله قاعد يناشب لمورينهو و طالع لي امها .. بسألكم يوم زعل بيريز و فالدانو على مورينهو يوم انه تكلم على التحكيم وظلمه للريال وقال بيريز ان فالدانو هو المتحدث الرسمي للفريق ليش ما تكلم فالدانو حتى الحين عن التحكيم ؟ هدف لـ اتلتيكو تسلل يشق الوجه والميريا 3 ضربات جزاء و كرت احمر ؟ وش منتظر المدير الرياضي ؟ وش منتظر المتحدث اللبق على قولة بيريز ؟؟ اعلمكم وش ينتظر ؟ ينتظر بس مورينهو يسب التحكيم عشان يجي ويبرطم علينا بيريز .. السفينه الي يسوقها اكثر من بحار .. مصيرها الغرق فرجاء وفر طلبات مورينهو والا اقشع مورينهو وخل فالدانو المدرب فالدانو زعلان على مورينهو يقول ليه ما تلعب بنزيما اساسي ههههههههههههههههه لا والله السبهه لا والله الخبل يعني الى الحين ما دريت ان بنزيما صفقه فاشله الى ابعد الحدود الا بالغصب يصير نجم ، الا بالغصب بنزيما يصير مفتح و فاهم هذا لا قالوا لك يدور الزله من جد على مورينهو همسه / يوزري يوزر حر .. اعبر فيه عن كل اللي ابيه من الطبيعي يقتنع برايي احد .. من الطبيعي يخالفني احد لكن لا لسياسة تكميم الافواه ! |
