وليد عبد الله كان سيء جدا في هالبطولة مثل بقية اللاعبين، والدفاع كلهم سيئين جدا جدا، وأسوأهم على الإطلاق اللي للأسف ما أحد تنبه له كامل الموسى، والله يا اخوان إنه ذبحني ومافيه كلمة ماهي زينة ماقلتها له وخاصة في مباراة اليابان يبغى يتفلسف وتنقطع منه وهو ما عندك أحد، بصراحة الان عرفت إن بعض لاعبي الأهلي هم سبب انتكاسته ، المشكلة لو تعيدون آخر مباراتين اللي لعب فيهن مكان السعيد اللي كنا ننتقده، نقول الله يرضى عليك يا مشعل السعيد، وبخصوص الدعيع ترى له غلطات كبيرة مع المنتخب وكانت من أسباب الخسائر اللي تلقتها السعودية، ومن ضمنها أتذكر: مباراة السعودية والأردن قبل أكثر من 17 سنة كان الأولمبي، كورة شاتوها الأردنيين من نص الملعب تقريبا وتجي ساقطة من فوق الدعيع وكان وقتها متقدم بالحيل ورجع للباب يجري لكن ما أمداه، وعاقبهم فيصل بن فهد هو والهريفي والرومي ومجموعة أخرى، والسعودية وهولندا شوفوا الأهداف في اليوتيوب وخاصة الهدف الثاني انحرمنا من الفوز على هولندا أو التعادل أقل شيء، الهدف الثاني طلع الدعيع لكورة سهلة وحاول يمسكها ما شتتها ومسكها وطاحت من يده وسجلوها كذلك مباريات أخرى لا نريد أن نذكر الماضي السلبي ولكن للتذكير فقط، فحراس السعودية عموما نقطة ضعف، ولا أنسى أن الدعيع أنقذ المنتخب وكأس العالم للناشئين هو اللي جابه وكذلك كأس آسيا 96.