نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - سبب حرقة الهريفي من كابتن المنتخب السعودي (ياسر القحطاني) أبو عزووز..

E×××p_Ert · #1 15/01/2011, 01:25 AM

كثير ما يعرفون ان الهريفي كان قبل بطولة آسيا 2007 كان هو الهداف السعودي الآسيوي برصيد 4 أهداف

وبعد نهاية البطولة استحق ياسر هذا اللقب بكسر رقم الهريفي.. وأصبح هو الهداف السعودي الأول في نهائيات كأس آسيا..

لذلك هو يقرن ياسر في أي حديث.. مبرر ذلك بغيرته المتناهية على المنتخب..

لا يذكر الا ياسر.. ولا يستطيع النوم قبل أن يرفع سماعة تلفونه حتى لو على جارهـ ابو سليّم ليذكرهـ بأن ياسر هو سبب خروج المنتخب..

طيب يا أخ هريفي وين اللاعبين العشرة الباقين اللي لعبوا مع ياسر في المنتخب؟؟ ذكرت واحد منهم؟؟

ياسر بلا جدال لم يكن في مستواهـ يا كابتن ياهريفي.. ولكن ما تنصاهـ لحاله من دون فريق كامل وتقول هو السبب؟؟

هزازي قدم شي مثلاً؟؟ ما أشوفك حملته شي؟؟

ناصر قدم شي؟؟ ما اشوفك حملته أي شي؟؟

عبدو؟؟ أحمد عطيف؟؟ اسامه مولد؟؟ وين هذولي ما ذكرتهم في شي؟؟

الشهيل تسبب في هدف وكان سبب مباشر في ولوج الكورة في مرمى وليد؟؟ وينه عن انتقاداتك..

وليد عبدالله؟؟ وليد عبدالله آخر هدف واللي طلعنا فعلا من البطولة؟؟ وينك ما ذكرته؟؟

طبعا مع اعتذاري لكل لاعبين المنتخب اللي ذكرتهم.. وانا لا أحمل اسم واحد من دون الآخرين.. بس عشان نوضح للجميع ان فهد الهريف يونس حر في عز البرد.. يعني زي كذا بالضبط.. >>>>

ومسوي انه هو اللي بيعدل برج فيزا المائل.. وانه لو كان موجود هو ولا واحد من لعيبة النصر كان جابوا كأس آسيا..

طيب كأس الخليج نص المنتخب لاعبين النصر وينهم ما رجعوا بكأس الخليج؟؟؟

مع احترامي والله للعيبة النصر واني اقدرهم ولهم مكانة في قلب أي رياضي سعودي، وودي أنوهـ لهم بأن الهريف والله ما يذكرهم حب وطرب فيهم..

بس مثل اللي لقا له مدخل على المنتخب قام يذكرهم في الشاردة والواردة.. ياحبي لك ياهريفي وبالذات يوم اتذكر رمزكم يوم كل شوي والثانية كان يقول انك لاعب تم استقدامك أو جلبك أو شي من هذا القبيل بالتحديد (من حفر بيشة)

ياخوي انت وين وابو عزوز وين.. ولو تناهق مثل ما غيرك ناهق الين الصبح..

ابو عزوز ما راح توصل له لو تطير..

وقلت ولا ماقلت أبو عزوز أول مهاجم سعودي.. شئت ام أبيت..

_____________________________________________________

يامن ملئتم الفضاء (نـهـيـقاً و نـعـيقاً) .. هل الشارة في آسيا 2007 كانت على كتف صعفق الأرموطي مثلا؟؟ قالوا ايش قالوا خلوهـ يتفرغ للعب.. من جد نهيق..