أنا أوافقك في بعض اللي قلته ..لكن فيه نقاط أختلف معك فيها ..طبعاً( أبناء الشام )اللي هم سوريا والأردن ..مشهورين في كل المستويات بأنهم شعوب تملك روح وعزيمة وحماس كبير ..طبعاً هم ما عندهم خطط مدروسة والدليل إن عندهم مشاكل في دورياتهم المحلية ..مثل مشكلة الفيصلي والوحدات وأيضاً الإتحاد السوري لديه بعض المشاكل في رئاسة الإتحاد ..عموماً مو موضوعنا ..مشكلتنا حبيبي ما أقدر أشخصها لك في سطر وإلا سطرين ..تبدأ برئاسة الإتحاد وتنتهي بأصغر لاعب ولو إني أعتقد إن لاعبي المنتخب ..هم ضحية تخبط من الإتحاد السعودي الموقر ..أولى المشاكل هي النظرة القاصرة للإتحاد ..أي ميوله تجاه الحلول المستعجلة ..شيل مدرب حط الجوهر ..وأعتقد علمتنا قطر درس في الإبقاء على مدربهم مع إن بوسيرو في كل الأحوال كان أفضل في مسيرته مع المنتخب من ميتسو ..وحققوا فوز غالي على الصين ..والمشكلة ماهي من أنس المشكلة تراكم سنوات وسنوات من العشوائية والأخطاء الفادحة إلا أن مواهب اللاعبين كانت تغطي على أخطاء الإتحاد بتحقيق البطولات ..اليوم لم يعد الأمر ممكناً..لقد أصبح العالم كله يخطط ويرسم ويصنع الكرة صناعة ..ونحن ما زلنا معتمدين على مواهبنا ..ونضحك على أنفسنا بأننا ما زلنا الأفضل ....عموماً اللي راح راااااااح ..أنا أشوف إن فيه أشياء لو حصلت ممكن تغير الأمور تغيير جذري ..وعندي برضه تساؤلات أتمنى لو أحد يجاوبني عليها ..أولا نتمنى التالي 1- على الأمير سلطان بن فهد رئيس الإتحاد السعودي أن يترك منصبه رئيساً للإتحاد ويتفرغ للرئاسة العامة لرعاية الشباب ..أسوة بباقي الإتحادات في العالم كله التي تفرق بين رئيس الإتحاد ووزير الشباب والرياضه..(حتى اليمن موجود فيها هالشيئ)
2- أتمنى يترشح كل من أ- (الأمير عبدالله بن مساعد لرئاسة الإتحاد -سامي الجابر -خالد البلطان - تركي بن خالد )هذه الأسماء المفروض تكون موجودة في مناصب كبيرة في الإتحاد ..
3- أن يكون ترشيح المدرب من قبل أناس فنيين وليس سلطان الرياضة ..(الأندية تجيب مدربين عالميين والمنتخب ما يقدر والله حالة ..)والتركيز على انضباطيته قبل كل شيئ ..(يعني بالعربي مثل جيريتس )..
4- بطولاتنا شوفوا كم بطولة .
.1-الدوري ..
2-كأس الملك للأبطال
3-كأس ولي العهد
4-كأس الأمير فيصل
الخارجيه ..
5-دوري أبطال آسيا
تخيلوا كم نلعب مباراة في كل هالبطولات ..
المفروض تصير (دوري - كأس الملك -دوري الأبطال)فقط فقط فقط ..
___________________________________________________
أنا انتهيت بس أبي أسأل سؤالين بس :-
1- تصفيات كأس العالم 2006 يوم قدم كالديرون منتخب خرافي وتأهل تأهل مباشر بمستوى كبير ..لييييييش تركوه وتعاقدوا مع باكيتا ؟
2- فيه لاعب سعودي يلعب مع نادي وست هام الإنجليزي للشباب اسمه أحمد عبدالله ليش ما يلعب مع منتخبنا للشباب ؟...