السسسلام عليكم ورحمة الله وبركاته


هاردلكم الهزيمه المستحقه والمذله
والله اني ندمان اني حضرت المباراه ,

اولا : عرفنا ان بو خطط مدروسه اشترى 4000 تذكره , مع ذلك ماشفنا منهم الا القليل , ومتى ؟
بعد بداية المباراه ب10 دقايق
ثانيا : تنظيم فاشل , ابي اعرف المنسق الموجود للجماهير السعوديه وينه؟ التذاكر ليش وزوعها في وقت متاخر ؟
هناك عدد كبير حُرم من دخول الملعب ,

والله اني انا وشباب , وكثير من الجمهور السعودي انذلينا ذل خلوه على ربكم , يعني الملعب في بر , والبرد قوي جدا جدا
رغم اني لابس جاكيت وكل شي , الا ان البرد اقوى واقوى .
ولاتنظيم ولا توزيع للتذاكر وجايين من مشوار بالسياره عل وعسى نشوف تنظيم ومستوى ,
طلع لا تنظيم مثل الناس , ولا مستوى للمنتخب يأهل ان الواحد يحضر مره ثانيه


تصدقون ....

وزعو علينا تذاكر مع الجمهور الاردني , وهناك في ملاعب قطر نظام , ماتدخل الا برقم البوابه اللي مسجل بالتذكره
والمقاعد مرقمه , والله ان حنا جالسين مع جمهور الاردن في النص .

يعني شي عجيب غريب بصراحه ..

عدد كبير مادخل للمباراه , وفيه جمهور كبير في مدرجات الجمهور الاردني

سؤال وين التنظيم في توزيع التذاكر ؟
انا ما الوم المنسقين القطريين , لا
الوم المنسقين السعوديين للجمهور السعودي اللي مدري كيف صارو منسقين


اسف ع الاطاله
سلطان