يا أخي وش نسوي .. شباب الهلال ينهزمون من شباب النصر بـ 5 .. والناشئين 2 .. والأولمبي 3 بيضاء !!

الفئات السنية بالنصر .. تمتلك 5 ملاعب خيالية .. ومعسكرات 5 نجوم .. ومدربين عالميين ..
وحنا ما عندنا إلا ملعب واحد لأولمبي والشباب والناشئين والبراعم .. ولاعبينا ينامون بالمسرح !!

يا أخي عييييييييب والله عييييييب .. أنا قارنت نادينا بالنادي الجار لأنه طول عمره ورانا ..
طول عمره مسخرة للي يسوى واللي ما يسوى .. فريقه الأول عادي جداً لكن يبحث على الحل الأنجح ..

شوفوا المواهب كيف تطمع بالهلال .. وتروح لأن ما عندها واسطة ..
مع كل المواهب الموجودة في الهلال مو هذا اللي نقدر عليه بس ..
بكل وضوح وصراحة .. الشباب يبغووووووووووووون الهلال ..
معظم الشباب والناشئين من عشااااق الهلال ..
لكن الواسطة وسوء عمل الفئات السنية عندنا تنقلهم لأندية ثانية ..

ماذا لو استغلينا جماهيرية الهلال .. وعشق الشباب لهذا الكيان بإنشاء أكاديمية عالمية تضم ملاعب متعددة وصالات متطورة ومدربين عالميين وكشافين متمرسين وكفاءات إدارية .. وش راح نصير !!!!!!!!!!!!! ..
صدقوني ما راح نحتاج لـ ياسر بـ 20 مليون أو هوساوي بـ 18 مليون أو عيسى بـ 15 مليون أو نامي بـ 5 مليون ..! ولا راح ننحرج مع القادسية بضم لاعب صغير جداً بـ 10 مليون ولاعبين من الهلال !! أو إعارة بالغيث المدافع العادي بـ 6 مليون لمدة 6 أشهر ..!! أو الشهيل أو غيره ..

ما أقول عندنا مواهب .. لكن حنا نتراجع .. والمفروض هذا ما يصير .. وكل مواهب السعودية حلمها الهلال ..!!

كـــــــل هذا قاعد يصير .. والأمير الذهبي بندر بن محمد يطبل لمدرسته ويصفها بأوصاف بعيدة كل البعد عنها .. ويشغلنا بخيرات والفريدي والدوسري والعابد .. يا أبو محمد شوف وين ينامون بس .. وش ملاعبهم ومدربينهم وقارنهم مع النصر ..
إدارة النادي وأعضاء الشرف المؤثرين .. يتطلبون بندر بن محمد ( يعتق ) الفئات السنية .. وهو رافض ..!!! والجماهير تجلد في أعضاء الشرف والإدارة .. وش المطلوب اللحين منهم ؟!
لازم يوضحون اللي قاعد يصير للجماهير .. ولازم يتخذون الإعلام وسيلة لإنقاذ قاعدة الهلال ..

بإختصار ما يقوم به أحمد العجلان من صالح الهلال .. يا أخي يكفي صمت ومجاملة ..ّ! والشيء الآخر كل اللي يقال كلام موزون وصحيح .. ما أدري وين المشكلة .. حتى لو كان في الموضوع هذا سلبيات .. الصمت مشاكله أكثر ..!!

شكراً