والله برافو كل الفرق العربية.. ما عدا اللي أخفقوا..

الإمارات.. بالفعل طبقت خطط مدروسة واثمرت معهم، اليوم احرجت كوريا الشمالية كثير بصراحة..

فرقها السنية في كل المحافل العالمية واذا مافازت حضرت في النهائي..


الكويت.. خذت كاس الخليج وبجدارة، ومن قدامنا بعد..

وما قصرت كثير قدام الصين بس عفس مجهودهم كله اللي ما يتسماشي.. مساعد ندى..

لو تصرف بحكمة شوي كانوا فايزين عالصين.. وهذي مافيها كلام..

والصين أصلا أغرب فريقي بالعالم كله في وجهة نظري.. لأنهم بلد يملك كل مقومات النجاح..

ومستوى منتخبهم منذ الأزل على خط ثابت.. لم يتغير.. منذ 84 تقريبا وهو نفس المستوى بس تتغير الوجوهـ..

بس ما عرفت من رئيس الرعاية والشباب عندهم.. لأني أحس انه سلطان بن فهد.. دام هذي طبايعهم..


الأردن وسوريا.. فريقين مستنسخين من بعض..

مع قلة الإمكانية وأقول (قلة) لأن إمكانياتهم معقولة نوعا ما، ولكن بالطبع ما توصل لربع إمكانياتنا..

ولكن روحهم وحماسهم لو توزعوا على كل المجموعات كان شفنا كأس آسيا ياخذونه أربع فرق..

واحد هزمنا والثاني ماهي بعيدة.. اذا نزلوا اللعيبة كالعادة بنفس معنوياتهم العطلانة..

وقلت عن الأردن وسوريا ان إمكانياتهم معقولة.. لأن فيه اللي أقل منهم..

منتخب العراق.. أتوقع انا ياخذ البطولة.. بس مشكلته انه قابل إيران..

وإيران لو لعبت مع فريق ثاني غير العراق.. صدقوني ما تشوفونها بالشكل ذا.. ولكن هي حمى الجار..

وأي جار.. إنه العراق.. وهو أفضل فريق يملك تجانس بين أفراد الفريق.. بس لو يخلون عنهم المشاكل..

اللي كل شوي نسمع عن مشكلة في معسكرهم..

قطر.. وما أدراك ما قطر.. نجاحات الدولة لا تبقي ولا تذر.. ولكن مستوى منتخبهم.. دائما منحدر..

المنتخب السعودي.. !!

والله ما تدري وش علة هالمنتخب.. اوكيه الكل عارف ان العلة الكبرى هو الريس ما غيرهـ..

ولكن ياناس بعد مو معقولة اللاعبين ينزلون بنفس الشكل اللي شفناهم فيه مع أول مباراة..

والسؤال الأهم هل راح تتغير هالروح؟؟ قولو لي كيف حتتغير الروح وقدامنا الأردن اللي مستنسخ من سوريا..

وانا بصراحة اشوفهم فريق واحد.. طيب فزنا على الأردن وبعدين؟؟ حنفوز على اليابان؟؟

والله ياهي حسبة طويلة هالمجموعة..