ياخي وربي احنا شعب مسكين .. أنا اللي أبغى أعرفه وش عندهم دول الخليج عشان يصيرون أحسن منا؟؟؟ ربي بيسألهم عن هالأموال اللي صرفوهاا؟؟ لاتنسى الرواتب تروح نصها قروض ونصها ساهر يعني خذ الصافي من الراتب إذا كان راتبه خمسة آلالاف يصير 1500 ريال بالله وش تسوي فواتير جوال وإلا مويه وإلا كهرباء وإلا إيجار السكن ؟؟ ياخي لو تشوف ميزانيات الدول الأفريقية اللي نفترض إنها بالملاييين بس وليست المليارات وتشوفهم عايشين أحسن عيشة ومرتاحين بالرغم من الظروف المعيشية اللي هم فيها. تدري في أمريكا حصلت واحد يشتغل في بهو الفندق دايم أشوفه كنت دايم أسولف معه بالساعات في فترة الجلوس في البهو فسألته ليش ساعات العمل كثيرة لك قال عشان أحصل أكبر قدر ممكن من المال .. طبعا وقالي مو مثلك جالس وراتبك بآلالاف الدولارات ..؟؟؟ صراحة انفجعت لدرجة إنه الأمريكان يتوقعون إن الواحد زي ماتداول في بيته بئر بترول مادروا اللي ببيتنا بركة موية ضحله. قلت له طيب اللي بمهنتي كم يستلم راتبه عندكم قالي كم تتوقع قلت له 10 آلالاف دولار وإلا 20 ألف انصدم قالي لالالالا وييييييييييييييييييــن ...!! قلت شكلي مبالغ أنا في التخمين قلت كم يعني ؟؟!! قالي أقل شئ 40 ألف دولار ... تخيلوا 40 ألف دولار يعني في الشهر تقريبا 160 ألف ريال سعودي .. سألني كم أنت أكيد أكثر .. طبعا استحيت أقوله ... قلت له إذا وصلت 3 آلالاف دولار فهي كويسة. قالي أنا هنا في اشتغل بأكثر من راتبك ... قلت له شفت الفرق؟؟؟!!! حسب دراسة علمية يقولون قرابة 25% من سكـان السعودية فقـــراء في أغنى دول العالم ... كنت بحط صور للبطالة والفقــر في السعــودية لكـن تقطـع قلبي على الصـور اللي ماكنت أتوقع إنها موجودهـ عندنا بيوم من الأيام وكنا نشاهدها في أفريقيا ونحمد ربنا مما ابتلاهم . لكن ومع هذا نقول الحمد لله على كل حآل .
اخر تعديل كان بواسطة » ابوريناد في يوم » 11/01/2011 عند الساعة » 03:48 PM | 