نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - يامرحبـا ترحيب الـروح للـروح فـي مجـلس مـافيـه نفـس ثقيـله ()

شوق الكويت · #1 10/01/2011, 10:56 AM

بسم الله الرحمن الرحيم

مدخـل : يامرحبا ترحيب(تـ) الروح للروحـ

بما ان تم تكريمي امس .. دايما نسمع كلام من بعض الفنانين عندنا بالكويت اللي محد يعترف فيهم
ويكرمهم ولما يصير شايب تقووم الدوله مشكووره بتكريمه بعدها بكم اسبووع يتوفى

صارت عقده عند بعض الفنانين يقولون كل ماكرموا احد توفى خلاص مانبي هالتكريم

فأنا قلت بعد فتره مو قصيره تم تكريمي اخاف يصير فيني شي وماانزل مواضيع

فحاولت اضغط على ايقونة موضوع جديد واكتب جم شغله افضفض فيها

وحده من الاهل عندها 5 بنات ماشاءالله والله منعم عليهم واتوقع انهم عندهم ملايين << ابد مو حاقده

البنت الاولى ليلحين مو متزوجه ماياها نصيبها او يمكن الله مو كاتب لها نصيب

عمرها تقريبا 35 وماتزوجت !

الام صارلها مثل عقده بما ان البنت الاولى ماتزوجت يعني الكل مابيتزوج
من بناتها وصار هالشي دايما بافعالها وعلى لسانها

وتتصرف تصرفات غريبه !!

دايما لما نقعد معاهم ونسولف عن مذيعه او ممثله تزوجت ترد علينا هي
بإجابه حفظتها منها وهي :

البنات اللي بالشوارع مكشفين والكل يشوفهم يتزوجون وبنات الحمايل ببيوتهم يعنسون !!

وطبعا البنات مايردون عليها ولكن كل يوم يسمعون هالكلام

ولو شفنه وحده بالشارع مو متحجبه ومكشفه ومعاها زوجها تقوول ايي
البنات اللي بالشوارع هم اللي يتزوجون وبنات اللي ببيوتهم عوانس !!

انا اللي مااشوفها الا بين فتره وفتره واحس مرات كلامها يقعد يرن براسي الى الليل وافكرر فيه

كيف وضع بناتها اللي هم بعمر خطر بعضهم مراهقات وبعضهم بعمر زواج !!

وحده من البنات ( الثانيه ) دايما تشوف خوف امها وترددها بأن كل البنات
يعنسون مثل بنتهم الاولى .. قامت وللأسف بدت تتعرف على شباب وتطلع معاهم

صراحه انا مااستغرب ولما سألتها ليش تسوين جذي قالت هذا كلام امي تقوول بنات الحمايل
اللي ببيوتهم مايتزوجون ومحد يدري عنهم وبنات الشوارع هم اللي يتزوجون !!

ابتكلم عن الام الله يهديها يعني بعض الامهات تقوم بترديد بعض الكلمات اللي ماتدري شنو مدى خطورتها على بناتها او عيالها

وخطأ الام الثاني هو انها تشائمت من القدر والمكتوب بالمستقبل لباقي بناتها فقط
من مصير بنتها الاولى يعني الاولى ماتزوجت خلاص حكمت ان كل بناتها ماراح يتزوجوون وبيقعدون عندها بالبيت !!!

ممكن الاولى مااتزوج وممكن بعد الثانيه ماتتزوج بس ليش تحكمين على القدر
بالمستقبل من الحين وتقفلينها بوجه بناتك !!

الله يهديها ويصلحها

في شي ثاني قاهررني على موضوع الزواج

نشووف بعض البنات تمووت وتتزوج ممكن ترضى بأي مواصفات بس المهم انها تتزوج وبعد ماتتزوج تقعد بجمعة حريم وبنات
تقعد تردد بعض الكلمات اللي تنرفززني وتثير غضبي

تقوول اففف الزواج اذيه وصيحة وتعب ماانصحكم تتزوجون طبعا هالكلام لنا احنا ياللي مو متزوجات

ولا كنها بغت تمووت لو مااعرست

شي ثالث قاهررني

قبل اتذكرر كانت البنت لما تنخطب وتتملك وينكتب كتابها محد يدري عنها الا اهلها لا وبعد مو كلهم يقولون لها لاتقوولين حق احد الا لما يتم كل شي

والحين اشووف بناتنا ماشاءالله طالعين بموضه يديده كل وحده تنخطب اول

مايطلعوون اهل الخاطب من البيت تررسل اسرع مسج لبنات الجامعه كلهم

وتقوولهم انها انخطبت !!!

طييب اصبرري يمكن يهوَن الولد ماله داعي تنحطين بمووقف بايخ

>< يدي الله يرحمه ويغمد روحه الجنه توفى قبل 3 اسابيع

><

مابي اتكلم عنه ولا اقوول شنو هو بالنسبه لي لان والله ان مابيكفيه موضوع لكن استفدت شي واحد من بعد ماطلعت من العزا !!

ان الانسان اهم شي يسويه بحياته طيبة قلبه واخلاقه الزينه مع الناس لان جد مابينفعك شي بعد مووتك الا الدعاء الصادق من الناس اللي كنت تعاملها بطييبه وخلق حسن

عسى الله يرحمك عسى الله يرحمك عسى الله يرحمك ويغمد رووحك الجنه يارب العالمين

المدخل والمخرج هذا بيت دايما يردده يدي

مخرج : في مجلس(نـ) مافيه نفس ثقيلـه

اختكم شوق الكويت