إقتباس الرسالة الأصلية كتبت بواسطة Bandar3000 شكلك ماقد قابلته روح للنادي وكلمه عن النادي او جيب له مقترح او وجهة نظر او اي شيء شوف كيف بيتعامل معك وانا اتكلم عن مقابلات شخصية حدثت معه واتمنى انك ترجع تشوف المواهب اللي بالفرق السنية فعلا مواهب الله يتممها على خير لكن المشكلة فيها هي المشرفين والجهاز التدريبي اللي يعتبر مقبول نوعا ما لكنه موب طموح الهلال وارجو المرة الثانية انك ماتقيمني ! انا هذي رؤيتي واحترم رؤيتك لكن مسألة انك تقصيني من التشجيع لاني ماجيت على ماتبي هذي شي ثاني للمعلومية : الفئات السنية لاتقاس في أي مدرسة من مدارس العالم المحترفة بالنتائج بل تقاس بالجهد المبذول والدقائق والسرعة والاستجابة والتحمل ..........الخ اخر همهم النتائج وياليت تقرا ردي زين انا مادافعت عن بندر محمد ولا عن عبدالله بن مساعد انا مستحيل اتنازل عن ثوابت الهلال الشرفية او راح نكون اتحاد اخر

عزيزي أنا ما قلت انك مش مشجع هلالي لأنني دائماً ما أحب سياسة الإقصاء لكن أنا أنتقدت فقط حديثك وهذا من باب الإختلاف في وجهات النظر...

وحديثك عن الفئات السنية وما تقاس عليه أبغى منك مقارنه للاعبي الفئات السنية في الهلال ببقية الانديه هل يوجد إختلاف ؟؟؟؟؟؟؟؟؟

عزيزي احنا في زمن ان الخمسة مليون ما تسوي شيئ ..

اسألك هل فيه كشافين يبحثون عن المواهب في الحواري والمدارس ؟؟؟؟؟؟؟؟

هل الأجهزة التدريبية الآن تقارنها بالسابق؟؟؟؟

ويوم تقول يعني تبغون يجيب لكم غيرتس في الاولمبي اقول له ايه...

جبنا ويلي ب50 مليون سنتين وبيروح..

هل هذا أفضل أم نجيب مدرب ب10 مليون في السنة وطاقم لياقي وتدريبي ب5 مليون في السنة لمدة خمسة أعوام ويكتشف مع جهازه التدريبي المواهب السعودية ويخرج لي 20 لاعب على مستوى عالي من البنية الجسمانية واللياقة البدنية العاليه والفكر الاحترافي ويطور من موهبتهم الكروية ويهيئهم ذهنياً ونفسياً ؟؟؟؟؟؟؟؟

أيهما أفضل برأيك ؟؟؟؟؟؟؟؟؟

وبالنسبة لرؤية الأمير عبدالله بن مساعد اللي وصفتها بالدكتاتورية الامير عبدالله دقيق وممكن لأنه طول بأمريكا ودائماً ما يحاول يقارب بين الرياضة عندنا بالمؤسسات الرياضية العالمية وخاصة الأمريكيه منها تكون غالباً وجهة نظره مختلفه كثير عن وجهات نظرنا... ربما هذي تكون سلبية لبعد مسافة الاحتراف بيننا وبين هذه المؤسسات العالمية وربما تكون إيجابيه وتكون نواة لتطور الرياضة.

تقبل ودي وإحترامي