حياش الله وحيا ردش ياشلهوبيه موهوبه

وراح ارد عليش في كل شي طلبتي وما راح انزل جزء ثاني

إقتباس * سبحان الله ثلاث في شهر واحد ..

ربش الرازق واعرف ناس في الديرة عيالهم وصلوا الاربعين بس ثلاثه في شهر هذي ما بعد صارت الا لأبوي

إقتباس وش هالنذر صراحه قويه جدا

خذي في عين الاعتبار ان عيال ابوي واجد وعمي تو ولده ميت وابوي يموت في اخوه وحنا باقي في الرضاع ما بعد فقهنا وحب ابوي لعمي وقتها اكبر بكثير من حبه لي او لحدى اخواني وانا اشوفه نذر قوي بس مبرر...

إقتباس *ماني قادره اصدق اللي تقوله جد جد رحت عند عمك

نعم رحت وعشت معه 16 سنه كانت احلى ايام حياتي....

إقتباس أمك كيف رضت شي مؤلم للأم جدا ضناها ياخذه حد غيرها ويربيه ويعيش أمام عيونها عند أم غيرها ..فعلا أم صبوره وعظيمه جدا وقدّرت النذر أحس اني جالسه اقرا روايه خياليه

اول شي امي ما كانت توقع انه راح يصير لها ولد بعد هالعمر ...
الشي الثاني امي معها 10 اولاد غيري من بطنها اصغرهم يكبرني بسنتين بس ....
ثالث شي امي تحب ابوي واجد وما بغاه تم في المقابل هي تحترم عمي وتقدره لموقف سابق اقوله لك على انفراد فما كانت تستخسر فيه شي حتى لو ولد .......
وامي زي ما قلتي عظيمه في عيني وعين من حولها اقل ما يقال عنا جابت 11 ولد للشيبه يشيلون اسمه....

إقتباس هههههههههههههههه من أعماق أعماق قلبي ضحكت بعد الحزن اللي جاني من بداية قصتك ياصديق نفسك ..االغريبه أحسن من القريبه

والله خلينا نتوظف اللحين ونشوف لنا قريبه والا غريبه واللي متأكد منه ان القريبه ما فيه والغريبه ربش يجيبها ....

إقتباس ياحياتي ع أمك .. أكيد متقطع قلبها عليك تبي تضمك وتنام جنبك وأكيد الشعور متبادل طيب الحين أمك ماتروح عندها قصدي ماتروح تنام عندها بعد ماعرفت الحقيقه <<الفضول عمل عمايلو

طول حياة عمي ما نمت عندها ..
اصلا ما كان لي غرفه عندهم
لكن بعد وفاة عمي حسيت نفسي غريب في بيته وانتقلت لبيت امي وخذت عندها شهور قبل ما انتقل للدراسه في الرياض ...
يعني فعليا ما بعد كملت سنه كامله في بيتها ....

إقتباس *ماشاء الله شروط ابوك اللي شرطها عشان تكتب شعر قلّ مانجدها في زماننا هذا بارك الله فيك ي الشاعر عبدالعزيز صديق نفسه

ابوي كان يبي يطفشني
ما فكر اني راح اوافق
ولكنه فادني ورزقني ربي العلم والمعرفه
ويرزقكم من حيث لا تحتسبون ..سبحانك

إقتباس نزلت دموعي الله يرحمه ويجعل مثواه الجنه .. وأخيرا وصلنا للشي اللي متشوقين نعرفه خلك صديق نفسك وخلك ذيب زي ماقال عمك الله يرحمه .. جد جد مدري احس دموعي مو راضيه توقف

اكيد بابقى ذيب مو سمعا لكلامش لكن تنفيذ لوصيته الله يلحقني به ....

إقتباس طيب رجعت بيت امك وابوك ولا استمريت بالمكان اللي نشات فيه ؟

سبق جاوبتش
رديت بيتنا لكن ما اخذت شهور وانتقلت الرياض ...

إقتباس وش اللي مايهمنا ..مو انت اللي تحكم . اذا مو قايل لنا ..ليش تنزل القصه وتشوقنا وكذا يصير فينا فضول

انا كنت حاب اوضح نقطه واعتقد اني وضحتها
وما يصير افرض عليكم حياتي الشخصيه
عموما انا اللحين اطبق في الرياض بمهنة (مهندس اجهزة طبيه)....

إقتباس نزّل القصيده كامله اذا مافي احراج أو كلافه ..

القصيده غاليه علي كثير
وسبق ونشر قصايد هنا
وشهرة شبكة الزعيم سلاح ذو حدين
فانت تلقى صدى لكلامك لكن كلامك يؤخذ لمنتديات ثانيه وينتحل لاشخاص ثانين
و من القهر اشوف قصيدتي في عمي تقال في مجالس اقل شأنا منها ...

إقتباس الله يسعدك ويوفقك * تعليقي مافيه اي تعاطف مثل ماطلبت .. * الله يحفظ لك والديك ياليت تكمل لنا التفاصيل اذا مافيه احراج ياصديق نفسه وصراحه قصتك عجيبه غريبه .. وتصلح تصير روايه بانتظار الجزء الثاني << جد فيني فضول غير طبيعي واتمنى ماتفشلني ياصديق نفسه

ويسعدش انتي دنيا واخره
ووالله يحفظ لش اهلش ووالديش

اعتقد اني جاوبت بما يثري ويشبع فضولش
وارفض تقديم جزء ثاني ...

إقتباس يالبى كحيلان (صديق نفسه ) .. لولا الله ثم هوو ماعرفنا قصة عبدالعزيز

لا تجيبين طاريه
تريني اكثر نصراوي يبغضه على وجه الارض ...




مشكوره على كلامش اختي

منوره