مرحبا عشاق الزعيم
جميعنا سمعنا التصريح الشفوي لنيفيز عبر العربية والذي كان مثار ضجة وخيبة وخبطة,ضجة لان اللاعب صرح تصريحا خطيرا,وخيبه بالنسبه لنا كجمهور هلالي,وخبطة بالنسبة لقناة العربيه وخصوصا المتالق بتال.
لكي لا اطيل عليكم اتوقع ان هناك مؤامره او كبري بضم الكاف تحاك ضد نادي الهلال وساشرح لك كيف استنتجت ذلك,نيفيز يقول بلسانه انتم اغنياءولستم بحاجه للمال اطلقوا سراحي وان لم يطلق سراحي ساعود للهلال وبالي وتفكيري كله بالبرازيل.
يعني خلوني اروح بأي سعر او ترى ابجي وما راح العب زين تهديد واضح وصريح ولا احد يجد العذر لهذا اللاعب ابدا لما قاله.
انا ابغى اعرف نقطه واحده بس هالدلال موجود عندنا بس او في بقية الانديه,كل اللاعبين بالعالم متزوجين وعندهم ظروف وما نسمع مثل هالكلام الي يحتاج لوقفه صارمه من ادارة المثالي عبدالرحمن بن مساعد.
نقطه اخرى ربما من الممكن ان يكون هناك نادي يرغب بالتعاقد مع نيفيز اقصد نادي اوروبي واشترط على نيفيز عن طريق وكيل اعماله ترك النادي الحالي وفك الارتباط به باي طريقه وهذا ما يسعى اليه جاهدا اللاعب ووكيل اعماله حتى يوقع معه النادي الاوروبي بدون مبالغ اضافيه وهذه رغبة اللاعب ومدرب المنتخب البرازيلي بترك السعوديه حتى ينضم للمنتخب البرازيلي بالاحتراف بالبرازيل او باوروبا وهو ما يفضله على غيرها من القارات.
يعني فلامنجو او غيره مجرد كبري وبعدها ينتقل لنادي اوروبي ويسوق النادي البرازيلي لنيفيز على راحته لانهم راح يكونون ماخذينه بأبخس الاثمان وعلى قولتهم ما فيه خساره لو يرجع راس ماله.
عموما حتى لو بيرجع اللاعب انا من وجهة نظري ما ابيه لاني حسيت انه بايعنا مو مثل رادوي او ويلي الي حماسهم واخلاصهم واضح وما نختلف عليه.
اخيرا اتمنى من الله يوفق الادارة في جلب لاعب يوازي الطموحات وهذا ديدنها وينسينا هالابتزازي نيفيز!!!!!!!