نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

ابو طـــــلال · #38 03/01/2011, 04:04 AM

بصراحة احييك على هالموضوع رغم إنه لاتنسيق ولاأسلوب .. وهالأشياء مهمة في العلاقات ( النتيه والشاتيه اللى تكلمت عنها )

لكن مضمون موضوعك صح وواضح إنك جاد فيه .. والمضمون هم الاهم طبعاً

أذكر أيام المراهقه يعني قبل ثلاث شهور او أربعه

والقصه لنا كمجموعة شباب في الشات والمنتديات .. كلنا أسامينا ( نواف ) والبنات كلهن ( سارة )

أنواع النصب على بعض ..

وكلنا نشتغل بالخطوط السعودية .... وهن كلهن متخرجات من الجامعه وغالباً خدمة إجتماعيه

وإذا شفنا اننا ثقلنا على الخطوط السعودية ... نكشخ بالإتصالات السعودية .. أيام ماكانت كشخه .. قبل موابايلي

وأذكر كل البنات وحيدات امهن وأبوهن .. يعني الدلوعه واللى أهلها مايدرون وين يودون الدراهم فيه
وبالنسبة للشباب .. كلنا نتاغر فلوس .. ومعنا لكزس أو بي ام دبليو .. بس ماتهمنا المظاهر .. لأننا نشعر بالتعاسه لعدم وجود ( حب )

في حياتنا

وهي آيه في الجمال .. طخمه وغنية .. ودلوعه .. ونعومه .. وماتعرف احد ابد .. بس مشكلتها مالقت الصادق الامين

هذا كله غش في غش ... نلعب على بعض

انت تقول البنت اللى بتخطبه ا امك ماتعرف عنها شي وإعتراضك إنه لازم تعرف عنها شي ؟؟؟ وهالكلام مو صحيح .. البنت اللى بتخطبها امك تعرف اهلها وتعرفها وتعرف خوالها وكل معلوماتها بس بالستر .. والمعلومات الحقيقيه ... اما الشوفة لك حق تشوفها في حالة الموافقة !! مهوب تشوفها في حالة قبول إضافة الماسينجر ؟؟!!

اما طريقة الشات واللى تتكلم عنها اخوي .. مو صحيح تاخذ المعلومه منها صح لأنه ومثل ماتعرف ويعرف الكثيرين إن في المنتديات والشات لك مساحه تلمع فيها نفسك وتظهر حسناتك ومستحيل تطلع عيوبك للناس .. ومرات تتكلم بأسلوب مو أسلوبك أساساً

انا أقول وهذا رأئي ... خلك مع الناس ولاتبطر وتفكر في إنك تشذ عنهم .. وصدقني اعرف اكثر من حالة زواج تمت بغير الحالات التقليديه وفشلت ... ومن جنسيات مختلفه ..

وبعدين أصبر ياخي .. توك على العرس ...

وش مستعجل عليه !! الغثاء وضيقة الصدر

تحياتي ياكابتن .. والله يوفقك