السلام عليكم ورحمة الله وبركاته

أنا عادة احب ان اكون قارئ فقط لكن ياجماعة الموضوع صراحتن زاد عن حده

صار منتدى الهلال ( مع حفظ الألقاب ) لا يختلف بتاتا عن منتدى النصر في شئ ..

يا اخوان هل النصر والهلال على عتبة واحدة ؟؟ هل الهلال والنصر يتنافسون على الصدارة او ان البطولات مره للهلال ومره للنصر ؟؟

اجل ليش كل ما افتح موضوع القى اسم النصر .. او اسم رئيسهم او طاري النصر أو ايحاءات يقصد بها النصر ..؟

ياجماعه الهلال في المقدمة من سنين طوال ومعروف انه لايرمى من الخلف الا من كان في المقدمة وأيضا لاترمى بالحجاره الا الشجره المثمره .. فليش هالعدوة انتقلت من منتدى النصر ؟؟ صار منتدانا كله سب وخبيلان وفقر ومادري وشو ؟؟

الحين اللي يشوفكم يقول انهم ينافسونكم على البطولات .. والله ولا قربوكم بأي شكل من الاشكال سواء من ادارة او كوادر او لاعبين او جماهير او ثقافة جماهير؟؟ ليش تصيرون مثلهم ؟ اللهم الفرق في الوان المنتدى فقط؟؟

المنتدى صار مليئ بالمواضيع اللي تخص النصر .. افتحوا منتدى الاهلي المصري (دام ان الطاري عليه ) .. هل يخصون مواضيعم بالزمالك وسب فيهم وهم ناقصين وحنا وحنا ؟؟ ترى والله مايصير

المفترض ان ادارة المنتدى تنبه الشباب على هالنقطة .. حنا ياشباب وصلنا لمرحلة تحتم علينا ان نتعمق في الثقافه الكروية بحكم مكانة فريقنا عالميا الان والمفترض ان المواضيع تكون عن تثقيف الاعضاء تحكيميا او لياقيا او البحث عن الاخبار الجديده اللي تهمنا

كل ما فضى واحد كتب هذا النصر ورئيسهم ومادري وشو .. ترى الرجال قاعد ياخذ من ذنوبكم وهو مادرى عنكم

فياليت القى تفاعل من الاخوان الاعضاء لتعميم هذا المفهوم بين الجميع .. فلنغير مفاهيمنا ولننظر للأمام دون الالتفات لما يقوله الاخرون .. فأنت في المقدمة وأكيد انك محسود من البقية .. فلا تصير مثلهم وارتقي بنفسك عن هذه المهاترت اللي ماراح تفيدك الا انها تعكس ثقافتك ودعونا نغير الفاظنا وطريقة تعبيرنا حتى يكون المنتدى فعلا منبر للكرويين الواعين المثقفين .. فالهلال وصل لمرحلة تستوجب على جمهوره ان يترفع عن هالامور

هم ماراح يتوقفون وراح يواصلون ذبهم عن فريقهم والنيل منكم فلا تصيروا مثلهم .. فأنتم مثال للجماهير العاشقة لفريقها المثقفة الواعيه آسيويا التي تحاول ان تخدم فريقها دون الرد على المتقولين..

فأرجوكم ياشباب كفايه فوالله ان هالشئ يحزنني وأكيد اغلبكم ايضا .. فلنساهم في خدمة فريقنا بكل ما اوتينا من قوة ( طبعا اقل من خدمتنا لديننا ثم لوطننا ) ولنجعل المنتدى منتدى الهلال فقط دون ذكر الاخرون كما يذكرونكم .. فأنتم في الامام وشي طبيعي راح يشتمون ويكذبون ويتقولون .. انت في نفس مستواهم ؟ طبعا لا انت اعلى منهم كرويا فليش يعني هالنظام ؟؟ برشلونه مافي امل يطري ريال مايوركا ويطري رئيسهم اللي مادري وش فيه وجمهوره اللي واللي .. خلاص انت اعلى منهم فليش تطالع تحت وترد ؟؟ الموضوع مايحتاج رد لان الناس تدري انك محسود على موقعك

وعبدالرحمن بن مساعد (مع حفظ الالقاب) تطرق لهذا الموضوع وذكر مثال الاهلي المصري .. فخلاص ياجماعه والله كافي .. صار المنتدى يخص النصر مو الهلال


وفقنا الله واياكم