| أحد(ن) برمية فنيلـة غـادر معاقـب
وأحد(ن) تعدّى على الشرطي ولا همّـه
العسكري والحكم والثالـث اللاعـب
كل(ن) يقول الحذر لا يلحقـك سمّـه
مادام هذا النظـام مشـوّه وعايـب
لا رِحْمِ أبو ذا النظام اللي بـلا ذمّـة
واللجنة اللي علـى تصريحـه تراقـب
أما دخوله إلى الملعـب علـى الْيِمّـه
هذا ترى الظلم يا اللي تَعْرِفِ الواجب
يا اللي ذبحت النظام ولطّخـك دمّـه
واستأنس مكحّل عيونه وهو ساكـب
يوم القرارات جته أبـرد مـن الجمّـة
قال استريحوا ترى ذا شيكهم زاهـب
قاعد علـى قلوبهـم والزمّـة الزمّـة
لا وا حسايف على اللي راح يا صاحب
اللي بنى المجـد لكـن راح مـا تمّـه
فيصل عسى الله يجيره صالي اللاهـب
اللـي بنـى للوطـن سمعـة وهَيْلُمّـه
أنا أشهد إنـه فقيـدة والله الواهـب
الله يرحـم فقيـد رياضـة الأمّــة
واليوم نبكي علـى ذكـراه ونطالـب
نقـول هاتـوا مثيلـه ترجـع الهمّـة
هاتوا لنا واحد(ن) يأمر بمـا ياجَـب
وخلّوا أسير الهوى يرتـاح مـع عمّـه
حسين السبيعي | 