هل يهم الدولة امر الرياضة(وش السالفة) حرب وانتقام بدون وجه حق وكلام بذيء وتصرفات سيئة وشك وووو، الحين مو دولتنا، افضل دولة تطبق الاسلام ومازالت في خضم هالتحرك السريع والتطور المذهل متمسكة بمبادئها الاصيلة........!

المشكلة وخصوصا في الرياضة انك تشوف مذابح مب تنافس، تشوف تراجم مب تحاب، تشوف وتشوف.......فشلتنا يافيصل بن تركي، لو انك منتب سعودي كان غضينا الطرف، ولكن كونك سعودي مصيبة ومن عائلة حاكمة نكن لها الاحترام والتقدير فالمصيبة اعظم (يعني منا وفينا). ياقاداتنا ولدكم فشلنا هل هذي تصرفات الشاب السعودي؟ او هل هذا ماندعو اليه؟ أو أو.....

الرياضة وش الاصل منها الترفيه والتنافس الشريف، ولكن اللي نشوفه التشويه والتصارع الخبيث. عيب يابابا قسم بالله عيب ولا من صاحب سمو بعد(صح صح علشانه صاحب سمو ول لو انه البلطان، يحبيبي كان خلوه ينطق الشمس ليل). يافيصل بن تركي وش تبي، جاي بزعمك تبرز هياطك وقوتك المزيفة(يخوي على الاقل احمد ربك انه جعلك امير ولك مكانة اجتماعية مب تجي حتا في الرياضة هياط وشوفة نفس)، تراك عبد من عبيد الله وبلاش الزخرفة الزايدة وشوفة النفس( وطبعا كلامي موجه الى كل شخص يصيبه داء الهياط والنعرة وشوفة النفس واحتقار الاخرين لانك في النهاية عبد من عبيد الله) والواحد المفروض يشكر النعمة اللي عنده مهب يستغلها في امور بعيدة عن الانسانية. يادولة الانسانية، يامن تنادين بالانسانية وتحاربين الفساد والارهاب، نحن نمر في ارهاب فكري وخطير لأن اللي صار وحشي مهب انساني، ويدعو الى تساؤلات كثيرة. خلووونا نفتخر اننا سعوديين ومسلمين، وطبقو العدل على فيصل بن تركي وعلى كل من يتجرأ بعمل بعيد عن الخلق وقريب من الفساد.

الحين ياولد فيصل يوم انك تطلع في برنامج خط النار في هالوقت اللي كلنا ننتظر مشاركة المنتخب..........! لنفرض جدلا انها صحيحة، وراك ماسلكت الطريق الصحيح لحفظ كرامتك وكرامة دولتك (بالله وش تبي عليك طلعة، راحت عليك يا ابراهام لينكولن)، وطبعا اهدافك واضحة ياداهية زمانك وياهتلر عصرك. لو انك سعودي وتحترق زي مانحترق مب فقط في المنتخب ولكن ايضا في اظهار الصورة الحسنة للمواطن السعودي .............، كان ماخرجت بها التصاريح علنا والمصيبة انك تناقض نفسك في البرنامج. أشوه انك منتب ولدي كان وين اودي وجهي بين الرجاجيل، فشلت وصغرت من نفسك وقدرك بتصرفاتك يافيصل ياحبيبي. اتمنى من الرئيس العام لرعاية الشباب ان( يقوله حدك تراك مصختها) يتخذ الاجراء اللازم لردع هالفئة اللي تحمل ارهاب فكري.