26/12/2010, 04:06 PM
|
 | عضو اللجنة الإعلاميه للرياضة العالمية | | تاريخ التسجيل: 23/08/2009
مشاركات: 1,453
| |
هوى , يست هآم يقلبونها ! بدأ الشوط الثآني  عوافي رابطة الارسنال , مبدعين يآمحمد وكل اللي معك   / جولة ممتعه وتكتمل متعتها لو كان ما فيه مؤجلات  مباراة الليفر اتوقع راح تكون قوية من الطرفين لكن لـ سوء الحظ وسوء الأحوال الجوية ما راح نشوف هالمتعه قمة الجولة بين البلوز والأسنال , صعبة جدا على الطرفين وصعب على اي شخص التكهّن في النتيجة والسيناريو للمباراة , لو نظرنا للأسماء فـ كل الطرفين تقريبا مستعيدين قوتهم بالأسماء اللي تصنع الفارق بعد رجعتهم من الاصابات او الايقافات وغيرها , من جانب البلوز اعتقد ابرز الاسماء اللي ينتظرونها عشاق البلوز هو لامبارد اللي راح يعطي قوة اضافية لخط الوسط بمجرد رجعة الحساسيه على الكورة , وفي المقابل الارسنال بـ تنفّس الصعداء بعد رجعة بيرسي في وقت هم بأمسّ الحاجة له بعد تذبذب مستوى العربي مروان الشمّآخ .. بعض الشباب او اغلبهم يعطون الحظوظ للأرسنال بنسبة كبيرة جدا بناء على تذبذب مستويات البلوز في الجولات الأخيره ! بالعكس البلوز بدأ يستعيد الحيوية رغم انه للآن ما استعاد طابع النتائج المعهوده , دروجبآ بدأ يستعيد مستوياته الممتازة وحساسيه العالية على الكورة , وغير كذا نقطة ضعف البلوز بعد غياب تيري انحلت بشكل كبير بعد رجعته  والتشكيلة المتوقعة لبدء المباراة هي التشكيلة اللي كانت تقدم أرقى المستويات الموسم الماضي باختلاف تقريبا اسم واحد او اسمين ما لها التأثير اللي يذكر ! طبعا هالمعطيآت ما ترجح الكفّة للبلوز , فـ الارسنال برضو منتشي برجعة المايسترو فابريغاس وبيرسي اضافة لرجعة هالاسمين الأرسنال رآح يتسلح بعوامل الارض والجمهور بالاسماء اعتقد البلوز متكاملين بشكل أكبر بكل المراكز بعكس الأرسنال اللي ممكن يعاني في خط الدفاع باستمرار غياب فيرمالين , سيكلاتشي وكولتشيني ثنائي قلب الدفاع الى الآن وبعد فترة طويلة من لعبهم بشكل مستمر الا انهم الى الآن ما يشكلون قوة دفاعية مقارنة بثنائيات قلوب الدفاع عند غيرهم من الانديه المباراة اعطيها فيفتي فيفتي صعب جدا التكهن فيهآ / المانيو وسندرلاند برضو مباراة اعتقد راح تكون ممتعة من الطرفين , والمعته فيها بوجهة نظري بتتحدد بحسب مستوى القطط لأنهم متى ما قدموا مستوى كبير فهم رآح يستفزون كبرياء المانيو وراح نشوفها من الطرفين المباراة بيد المانيو متى ما حضر التركيز من اللاعبين / توتنهام واستون فيلآ الحمدلله اني اتابع البرمير , قممممة منتظرة واللي ما يتابع البرمير بيجهل اثارتها الماكبايس والسيتي برضو مباراة منتظره , في الذهاب كانت مباراتهم مثيرة جدا وابرز احداثها جريمة دي يونغ نقول : ان شاء الله يردون الماكبايس الدين للسيتي :$
|
