اول شي هاردلك الخسارة الغير مستحقة للفريق ..

انا باتكلم عن نقطة الليجري و انه يتحمل الخسارة .. صراحة مادري ليه هذا التحامل الكبير على المدرب !! اش تبغوه يسوي مثلا ؟؟ ينزل يسدد انفرادات ابرا اللي ضاعت ؟؟ و لا يقفل منطقة الدلخ انتونيني ؟؟ و لا بالسحر يشفي اصابة بيرلو اللي حاست ام المباراة ؟؟

بصراحة اذا حطيت نسبة لألليجري في خسارة المباراة ما راح تتجاوز 20% في اقصى الحالات .. المدرب سوا كل شي ممكن لكن ما كان يوم ميلان ابدا .. و اللي يقول ما فزنا على فريق كبير ترى احنا مالعبنا قدام فريق كبير كاملين الا قدام اليوفي و خسرنا بأخطاء الغبي سوكراتيس و لا المدرب ما عليه اخطاء كبيرة .. و عن نقطة رونالدينيو ياشيخ ما ابغى احلف لكن لو نزله من بداية الشوط الثاني ما اتوقع انه راح يفرق رونالدينيو من بداية الموسم اخذ فرص بما فيه الكفاية و كل مباراة يرفع ضغطنا و لا يجري في الملعب و لا يسوي شي .. امس الإرهاق كان واضح جدا على اللاعبين بالذات ابرا لأن الفرص اللي ضيعها كانت قلة تركيز و قلة التركيز دايما سببها الإرهاق .. يعني لا تلوموا المدرب على شي مو تحت سيطرته ..

و بتشوفوا الليجري مع ميلان بعد فترة الشتوية ان شاء الله مع وصول كاسانو و عودة باتو للفريق لإضفاء سرعة اضافية على الهجوم الميلاني .. باتو و ابرا لو وصل التفاهم بينهم لدرجة عالية بتشوفوا هجوم خارق جدا ..

بعدين فيه احد يلوم مدرب و عنده الظهير الطائر المتكهرب انتونيني ؟؟ ان شاء الله جالياني يصحصح و يجيب ظهير يسار في الإنتقالات الشتوية ..

و سلامتكم