بسم الله الرحمن الرحيم

ابو ناصر وفقه الله وفتح بقاله صغيره وجاب فيها عامل اسمه ( غلام ) وكان مجتهد ونشيط ... واستمر على هالحال مده سنتين .. كل يوم يوصل لابو ناصر المقسوم من هالبقاله ... الين جاء يوم وعلى غير العاده طق غلام الباب على ابو ناصر العصر قبل موعده المعتاد وداربينهم هالحوار التالي :

ابوناصر : غلام !!؟؟ وش جابك الحين ؟؟ ليش تارك البقاله جعلك الوجع ؟؟
غلام : بابا انا كلاص مافيه سوي شغل بقاله .( معليش ركزوا وحاولوا تترجمون الكلام )
ابو ناصر : ليش ؟؟ خير ان شاء الله وش صار ؟؟
غلام : بابا انا فيه فكره وازد هلو في مخ انا .
ابو ناصر : الله يستر منك انت ومخك اللي نسمع فيه ولا نشوفه .. اخلص هات وش عندك .
غلام : بابا انا فيه فكره مشروع زديد . فلوس كتير .. بقاله خلي ولي .
ابو ناصر : ايه طيب وش الفكره خلص .
غلام : بابا انا فيه يفتح واهد قناه ريازيه ...!!!
ابو ناصر :وش عنده ولد جستنيه .. عمى يعميك .. وانت وش فهمك بالقنوات والرياضه .. انت جاي تستهبل
علي .. اقول رح انقلع انت وخشتك وقابل بقالتنا ابرك .
غلام : بابا ماقيه سوي زئلان ... شويا شويا سوي تفاهم .
ابو ناصر : لاتفاهم ولاهم يحزنون .. انت تدري كم تكلف هالقناة ؟؟ تدري انها يبي لها ملاااايييين !!! وبعدين من
وين نجيب مكسب انت وخشتك يالاعلامي .
غلام : بابا خلي انا سوا سوا انتا يزلس بئدين سوي كلام .
ابو ناصر : صبر جميل والله المستعان ... يالله فت ادخل خل اشوف اخرتها معك

وبالفعل دخل ابو ناصر مع غلام للملحق وجلسوا يتكلمون عن الموضوع ... وبدا غلام يشرح لابو ناصر فكرته .

غلام : بابا ..قناه ريازيه مافيه فلوس كتير يبغا .. انا فيه كل شي موجود جوا مخ انا .. سوف بابا
اول حاجه انتا فيه استراهه كبير .. فيه تلاته غرفه .. واهد غرفه سوي استوديو تحليلي قبل مباراة... واهد غرفه سوي كنترول .. تالت غرفه سوي سيم سيم هادا خط سته برناموج ..جيب سوا سوا اربئه نفر سوي قرقر كتير عن كوره ..سوي جنجال ( معركه ) قدام زبون ( طبعا يقصد المشاهدين ) .. هذا برنامج كل يوم كلام مافيه كويس عن هلال كلام مافيه مفهوم علشان نفر يبغا فلوس لازم سوي كذا .. ممكن كمان سوي سيم سيم هادا برنامج جوا قول ( يقصد في المرمى ) زيب لاعب سوي كلام هلال مافيه كويس مافيه سوي حق انا حفله .. انتا معلوم هادا خريفي ؟؟ هذا مافيه حب هلال ممكن جيب سوا سوا انتا ..

...بعدين ركب دش .. سوي اتفاق مع شركة نايل سات - انا معلوم سديق في شغل هناك سوي نظافه هو سوي اشتراك ( امممم الواسطه ياشيخ ) .. بعدين سوي شويا شويا قناة كبير يجي فلوس كتير ..

ابو ناصر : يالوح من وين بيجينا المكسب طيب ؟
غلام : بابا هادا واجد سهل .. واهد : سوي كلام كثير عن هلال ... هنا سئودي ( سعودي ) فيه حب هلال كتييير سوي كلام هلال مافيه كويس .. هلال فيه واهد نصاب ... هلال سوي هكم فلوس ..
هلال مافيه صديق هوا ( يقصد صديق نفسه خخخخخخخ ) .

ابو ناصر : طيب ليش مانقول ان الهلال هو البطل وزعيم اسيا ونادي القرن ونكون صادقين .

غلام : بابا مافيه سوي غبي انتا ... لازم كلام هلال مافيه كويس علشان نادي ثاني شوف قناه مال انتا .. وكلو نفر حب هلال شوف قناه علشان كلام انتا ليه مافيه كلام كويس على هلال ( الترجمه : فكرة غلام انه اذا مدح الهلال امتنعت جماهير الاندية الثانيه عن متابعة قناته
لكن اذا تكلم عن الهلال بعكس الحقائق كسب الجماهير الثانيه وبنفس الوقت جماهير الهلال اللي بتدافع عن ناديها ) <----- ولد اللذينه ذكي
ابو ناصر : اااااااااااااه فهمتك يالذهين ... اثرك مانت ببسيط طابخها ... طيب كمل ووش بعد نسوي ؟
غلام : سوي رقم تلفون علشان فيه واحد نفر حب نادي سوي تصويت .. تصويت فلووووس كتير ..
بئدين سوي شات مافيه كلام كويس عن هلال ..
ابو ناصر : والله انها فكره بس تدري انقلع رح افتح البقاله وانثبر فيها ابرك لك وفكني من شرك .
غلام : ليش بابا ؟؟؟
ابو ناصر : لاني هلالي يالدلخ

وهكذا انقذتنا هلالية ابو ناصر من وجود وسيله اعلاميه اخرى من فئة ( واحد نفر قناه )

احبتي اتمنى الفكره تكون وصلتكم وتكونون عرفتوا سبب محاربة الهلال اعلاميا ..
الموضوع موضوع كسب مادي وجذب للاعلانات والمشاهدين ليس اكثر فبهذا يقاس نجاح المؤسسات الاعلاميه
شاكر لكم واتمنى يكون الموضوع حاز على اعجابكم وسامحوني على التقصير
ودمتم بخير