هلا ابو عبدالله

بصراحه استمتعت وانا اقر موضوعك , بس والله انك مخفه كان اخذت
الخمس ميه وخليت عن البزوطه ومسوي انك شريف ..

والله يوم قريت معاناتك ومعانأة هلالي الشماسية حسيت اني بنعمه
الله يعينكم يالمدرسين بس والله معاناة خصوصا اللي يطلع برا محيطه
يعني انا من الوسطى ليش يودوني الجنوب وانا ماعمري طبيتها ؟
والعكس , عندنا معلمين من الأحساء والجنوب , طيب ليه مافيه
نظام دقيش بالتعليم ..

إقتباس عارف من الهسترة أفكر انقل الرياض أو الخرج وأفتك من الجبال صح بتكون حماقة مني لكن رضيت بالرياض والخرج ولا نجران وبالنهاية كلها بعيدة

تعال ياذيبان وخل عنك الجبال والحاجات الخايسه
الخرج ترا حلوة واهلها طيبين مرره حتى طلابها على فكرة لو تجي
مركزك موجود لان فريقنا ناقصه مهاجم



لاهنت ابو عبدالله .. الا على فكرة انت تبع الجامعة والا كلية معلمين ؟