| والله وانا اخوك بيسيرو ما عنده ماعند جد جد جد جدتي
اجل تارك النجوم متسدحين في جده, وجايب لي ناس اول مره
اسمع فيهم, صحيح فيه اثنين ثلاثه يلعبون وما عليهم, لكن
يخرب بيتك يا بيسيرو مثل ما خربت بيت المنتخب, اجل
تبي تسوي منتخب سبير ليه فاتحين محل قص مفاتيح ولا منتخب؟
لا وتبيه شباب من الجيل الجديد, ترى الاتصالات بينزلون
شرايح جيل جديد, رح احجز لك شريحه جعلك العمى يا شيخ.
واتمنى ان سلطان بن فهد يسفر هالمدرب النكبه, وبعدها هو يستقيل
ويفكنا من خططه المعفوسه والمتنيله في ستين نيله.
وما اقول غير الله يرحمك يا سيد الكره السعودية سمو الامير/
فيصل بن فهد بن عبدالعزيز, على أيامك المنتخب السعودي
مرعب جميع المنتخبات ويحسبون لنا ألف حساب, لكن الحين
بزارين الكويت يفوزون علينا.
والسلام مسك الختام. | 