بسم الله الرحمن الرحيم
الحمد الله على حال
كلمات نردده بعد خروج من كل بطوله!!!!!
ندخل في الموضوع
الى صقور الخضر ماقصرتو كفيتو ووفيتو وفالنا كأس آسيا!!!!!
ليش المنتخب السعودي يقدم الهدايا لدول الخليج وعلى حسابنا أول الهدايا كأس آسيا 2007 للعراق قلنا مساكين خلنا نوحد شعبهم خلنا نفرحهم بدال التفجيرات وعلى حسابنا!! ثاني الهدايا خروجنا من التصفيات لكأس العالم تعذرنا بالاصابات واتحكيم وخرجنا من البحرين في آخر الدقائق بسب تهور لاعبين وقلنا ماعليه البحرين تستاهل دوله شقيقه وجيران مساكين ما تأهلو لكأس العالم خلهم يفرحون وعلى حسابنا!! وثالث الهدايا كأس الخليج 19 في عمان قعدنا نلعب دفاع طوال 120 دقيقه والعمانين ماصدقو السعوديه تلعب دفاع وخرجنا وقلنا مساكين العمانين طلعو وصيف في قطر والامارات خلوهم يفرحون في بلدهم وعلى حسابنا واخر الهدايا خليجي 20 نلعب دفاع ومافي خطه واضحه من بسيرو وبعد مالعبنا مثل الكويتي اللي لعب ضد العراق 120 دقيقه وتشفونهم في المباراه هم اللي ضاغطين
وفرحنا يوم تمددت الاشواط قلنا الارهاق عليهم وصار العكس يوم شفت المولد وهو قاعد ورهيب والسعيد يحترون وليد يسدد وانا غسلت يدي وعساف يحتريها تصك في راسه علشان تروح ركنيه وانا غسلت يدي وخذوها الكويتين وقلنا ماعليه
مساكين منتخبهم لهم 12 سنه ما حقق بطوله الخليج مساكين ماعندهم دوري ماعندهم اتحاد اتحادهم غير شرعي
خلهم يفرحون وعلى حسابنا!!

الى متى وانا وصيف وصيف وصيف وصيف !!!!! ملينا من الفضه نبي ذهب ذهب ذهب ذهب
وانتظرو تصريح الرئيس العام ونائبه بعد لحظات (((منتخب شاب وواعد قدمو مستويات مشرفه منتخب الاحلام وحنا جددنا الثقه في المدرب 00000الخ ))) من هالكلام اللي شبعنا منه

بسيرو بضيع المنتخب وين الهيبه وين الهجوم اللي يرعب الدفاع حاط مهند هالجراده ينقز ولايستلم الكوره وين بشير
خطه السعوديه معروفه 2-4-4 مو 1-4-5 دفاع!!! اه اه اه الله يرحمك يا فيصل بن فهد
بسيرو عندك الزيلعي عندك الشهري عندك الغامدي حاط الرهيب اللي يالله يشيل نفسه ويموت الحيل وهو يركض
ولا السعيد عاد اه اه اه والله تعبنا
استوقفني كلام المعلق الكبير فارس عوض يوم قال الشلهوب اذا فاز بيهديها (لوالديه المرحومين وللشعب السعودي )
ادركت كم هو كبير وكل يوم يكبر في عيونا الشلهوب ونهايه المباراه بكيت عندما شاهدت الشلهوب يبكي لا ما اسعد الجمهور ولا اهدء والديه الكأس رحمهم الله


سؤال لكم ما بكيتو ويوم شفتو الشلهوب يبكي؟

انا ماقهرني الابرنامج (ملعب الوطن) يوم قالو بنصك السعوديه 3-0 4-0 ومنتخبهم ما يخوف وما نخاف الا من المدرب!!! صدق ما عندكم سالفه
والله وصدقت توقعاتك يا جاسم الحربي يوم قال باأعتزل التحليل اذا جاب بسيرو بطوله

مبروك يالوبران تستاهل البطوله فقط انت انت انت بس

طولت عليكم
تقبلو تحياتي
في آمان الله