| ^^
ياخي الكريم لاتضحك على نفسك
ترى قطر مع ميتسو ... خلال سنتين ... خسر 18 مباراه ... وتعادل في 18 مباراه ... وفاز 8 بس
يعني رديفنا افضل منهم
وكلامنا عن بيسيرو مو عن المباراه هذي والبطوله هذي
تعال من اول المباريات اللي استلمها
مع البحرين في تصفيات كاس العالم
لاعب بخطه دفاعيه ذهاب واياب الين طلعنا ... علاوة على انه ينقي لاعبين بشكل غريب جدا !!
ابي اشوف خطوط في المنتخب ياجماعه ... مافيه !!
الكل يدافع عندنا ... مافيه شي اسمه صناعة لعب ... الكل يصنع الكل يدافع الكل يهجم ... وش العشوائيه اللي عايشين فيها !!
تعال بعدها شوف الوديات اللي لعبها المنتخب
اتحدى اي واحد يجيب لي مباراه وديه لعبها المنتخب تحت قياده بيسيرو ... تشابه تشكلية المباراه الوديه اللي بعدها
والادهى والامر
معسكر في اوروبا لمدة 12 يوم
بعدها نلعب مباراه وديه ... بتشكيلة لاعبين تختلف عن قائمة اللاعبين المستدعاه في المعسكر !!
ياخي منتخب عمان له سنتين بنفس التشكيله ... هذا اللي يسمى استقرار مو حنا
والحين نشوفه حاط كامل الموسى قلب دفاع وهو ظهير ... واحمد عباس صانع لعب وهو محور !!
الشهيل ظهير ايمن مع انه في الاساس يلعب ايسر !!
ياخي انت في منتخب .. منت محتاج توظّف لاعب في مركز جديد عليه .... منتخب معناته كل لاعبين السعوديه تحت خدمتك
معقوله يصير عندك قصور في قلوب الدفاع علشان تلعب الموسى قلب دفاع ؟
معقوله عندك قصور في الاظهره علشان تلعب الشهيل يمين بدل يسار ؟
معقوله عندك قصور في المحور علشان تلعب حسين محور ؟
حتى لو ادوا في مراكزهم الجديده . .. اعرف انهم راح يأدون افضل في مراكزهم الاساسيه
وتعال شوف العجايب في ضم اللاعبين
يحيى الشهري جاب قول ضمه .. نواف العابد جاب قول ضمه ...مو معقول هالكلام وانت تملك نور وعبده عطيف والشلهوب والفريدي في صناعة اللعب ... <<< اتكلم عن المنتخب الاول
السالفه تعتبر ترسّبات لاعمال المدرب من يوم استلم المنتخب ... كل هالاشياء تؤدي الي نتيجه بتصير طامه للمنتخب
ياخي اذا ماجبت انجازات للمنتخب وانت عندك هالكوكبه من النجوم .. متى ناوي تجيب ؟ الين يعتزلون ؟
كل كم وكم يطلع لنا مهاجم زي ياسر وهزازي ؟
كل كم سنه يطلع لنا زي نور وعبده عطيف ؟
هوساوي شهيل و و و و
ترى من 1996 ماجبنا بطوله
لاتكابرون وتقولون بطولة الخليج وديه ومانبيها
خلونا نعترف ... مانقدر عليها معليش !!
لو نقدر كان جبناها ... لكن تطور عمان والكويت وعودة العراق لمستواه ... صرنا نبطي عظم للأسف
انا مااجبر احد يصدق كلامي
قدام في اسيا ... بنسخ ردي هذا واحطه في توقيعي وتشوفون اذا كلامي صحيح والا لا
تحياتي  | 