26/11/2010, 05:55 PM
|
 | زعيــم متواصــل | | تاريخ التسجيل: 02/05/2010 المكان: With Rivaldo
مشاركات: 81
| |
سلآم عليكم 
تقديم ماله سنع يعني مدري وش الحكمة انك تكتب كل شي عن الكلاسيكو في التقديم طيب وش نسوي حنا ؟ يعني حتى اللي عنده كلمتين يبي يقولهم ويشوف هالتقديم يستحي ويقول لنفسه ورى مانثبر بس ؟ 
لا صدز تقديم قمة في الروعة  شآمل من جميع النواحي , كتاريخ للمواجهات ! كأهداف من الذاكرة ! كأرآء أفضل أقلام المنتدى ! يعني من جميع النواحي تقديم متعوب عليييييييييه
لاهنتوا ياعيالنا ولايهونون اللي شاركوكم التقديم
---------------------------------
بالنسبة لنقاشات الكلاسيكو في رابطتنا يتمحور نقاشنا حول نقطة
مآسكي
وين بيلعب هذا اذا لعب ؟ ووش بيكون دوره ؟ وعلى حساب من بيكون في التشكيلة ؟
ماسكي محور دفاعي صلب , يجيد افتكاك الكورة بشكل ممتاز , ويعرف بالظبط متى يتدخل ع الكورة ويقطعها ! بمعنى ان ماسكي رغم اندفاعه مايتخلل ادائه شئ من الرعونة زي بعض المحاور المربوشة ( لآسآنآ ) يظغط على الخصم بحيث يخلي تفكيره ينصب على انه يمرر الكورة لاقرب واحد من زملائه قبل لاينتفه هالخبل
ماسكي برضو ادواره الهجومية لاباس فيها , شفناه يصلح كذا كورة هدف بباصه الطويل اللي يمتاز فيه الارجنتيني يعني اذا تواجد بالتشكيلة ماراح ينخاف من مسالة العقم الهجومي عنده ! بالعكس يجيد الادوار الهجومية وكما ذكرت يمتاز بالباص الطويل
هذي مزايا ماسكي طيب وين بيلعب ووش بيكون دوره بالملعب ؟
في حال لعب بيلعب بجوار بوسكويتس في محور الدفاع وترك تشافي يتفرغ لصناعة اللعب
أدواره بيكون لها شكلين على حسب تشكيلة الريال !
الأولى :
اذا لعب الريال بأوزيل بيكون له دور كبير في تغطيته ! بيلازمه في حال كانت الكرة مع الريال وبيحاول يحد من خطورته في المناطق الامامية بحيث يقتصر دور اوزيل على التسليم والاستلام ومنعه من التوغل في مناطق البرشا الدفاعية ! بكذا يكون ريحنا من عنصر مهم في تشكيلة الريال واحد اهم الأسلحة الهجومية اللي يمتلكها الملكي
مهمة ثانية راح يكلفه فيها بيب وهي تغطية ألفيش في حال تقدمه واللي بنشوفه واجد هي ماهي مسالة ان الفيش يكشت ويطول بالرجعة ! لا بالعكس ألفيش بنفس السبرنت اللي فكه وهو يتقدم بتحصله فاك نفس السبرنت وهو راجع يغطي لان لياقته ماهي طبيعية الله لايضره لكن الكلام ان اجنحة الريال سريعة وخطيرة وتجيد الارتداد فيحتاج محور يغطي بسرعة قبل ماتنبني الهجمة من قبل اطراف الريال في جهة ألفيش الهجومية !
الثانية :
لو لعب الريال بثلاث محآور بيقتصر دوره الدفاعي على تغطية الاطراف وبنشوف منه ادوآر هجومية أكثر وخصوصا في صناعة اللعب يعني على الله مايلعب مورينهو بثلاث محاور لانه بكذا بيقلل من اهمية دور ماسكي بالتشكيلة هذا اذا لعبنا بماسكي
هذا مايخص ماسكي ومسالة دخوله بالتشكيلة ووين وليش
--------------------------------------
النقطة الثانية واللي محور نقاش اخواننا برابطة الريال واللي هي سالفة الـ 3 محاور ودخول مورينهو في كتشكيلة اساسية !
بنظري هي الانسب للريال , بحكم انه بيكون ألونسو متأخر وقدامه خضيرة ولآسآنآ اللي بيتفرغون للظغط على صناع اللعب في خط منتصف البرشآ ( إنييستا + تشافي ) واللي بتأدي لإستعجال بالتمرير بيأدي يا لكور خاطئة ! أو تمريرات طويلة على المستلم ! أو نفاد الحلول والرجوع للمناطق الخلفية للبرشا وإعادة بدأ الهجمة من جديد !
مايخص ان المباراة بتكون مسلمة للبرشا وان الريال بيكتفي بتغطية مناطقه الخلفية بنظري خاطئة , نصف الريال يجيد امتلاك الكورة وتدويرها بالشكل الممتاز بداية من المايسترو تشابي ألونسو وصولا لخضيرة مرورا بلسانا , الجميع يجيد التسليم والاستلام والقدرة على نقل اللعب من جهة لاخرى بشكل سلس وسريع , خصوصا ألونسو
نقطة اخرى لو لعب المو بثلاث محاور , الأطراف راح تفرغ أكثر للهجوم وبكذا برضو بتظغط على اظهرتنا بشكل دفاعي غير مباشر , بتهاجم ! وبيظطرون اظهرتنا بالالتزام دفاعيا والتراجع وبكذا اطراف الريال لها دور مزدوج بالملعب ! ظغط على اظهرة البرشا الدفاعية وإلزامها بالتراجع ! وبرضو التفرغ للهجوم بشكل أكبر عن الخطة السابقة !
سنة 2008 لما قابل المان فريقنا بنص نهائي التشامبينز , لعب بخطة دفاعية وترك المهام الهجومية للمرتدة معتمدا على رونالدو وسرعته واجادته للدور هذا بشكل كبير , وعلى فكرة روني ! كان يرجع للخلف في حال تقدم ظهيرنا ؟! متخيلين الدور الدفاعي ؟! المان كان الافضل في الساحة الاوروبية لكن هذا مامنع السير بانه يدخل بخطة دفاعية واللعب على مقولة " اذا ماسجلت ! ماراح يتسجل فيني "
وشفنا اداء دفاعي ممتاز ! وكاد يخطف الفوز في اكثر من مناسبة , للتوضيح فقط ! المان كان أخطر رغم ان خطته دفاعية !
السؤال هل بيطلق على المو بالجبان في حال دخل بثلاث محاور ؟ اتوقع عين الصواب لو سواها
----------------------------
لنآ بآتسات واجدات
نرآكم لآحقآ
|
