نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || LFP 13 || برشلونة يمتع العالم وينتصر على الريال بخماسية في كلاسيكو الارض ||

Strange Mad · #58 26/11/2010, 03:59 PM

شيء حبيت اتكلم عنه اللي هي نقطة الثلاث محاور لو دخل ديارا في المباراة بدل اوزيل .. هالشيء صحيح راح يخلي الريال حذر اكثر لكن ماهو بالضروري معناته ان الريال راح يكون دفاعي بحت .. يعني مسألة ان الريال يلعب زي مباراة الكامب نو قبل سنتين 2 0 هذي ماراح تصير ابدا .. خامة لاعبين الريال الحالية تساعد الفريق انه يقدر يهاجم

طبعا السيطرة على الكورة في النص هذي اظنها محسومة للبارشا على الاقل في الكامب نو لكن هذا لايعني شيء وعندنا مثال مباراة الكامب نو العام تشوف المباراة في الشوط الاول الريال احسن والفرص اكثر للريال ومع ذلك السيطرة للبارشا اكثر ..

مازلت اتمنى يلعب لاس بس هالمباراة وبعدها بحريقة لان دلاخته راح تنفعك كثير راح يضغط على لاعبين البارسا من دفاع البارسا هو ومعه دي ماريا وترا لاس كويس هجوميا يعني تخليه يناقز في الملعب كامل يطارد ورا الكورة ويحاول يبني هجمة وماتخاف لوغلط ..

إقتباس

الرسالة الأصلية كتبت بواسطة BARCELONISTA


	.. على فكرة فيه نقطة ودي اقولها الحين الحين .. الكثير من المدريدية يقولون ان اخطر جهة هي " الفيش - ميسي " .. هاذا الكلام صحيح لكن مدري ليش اتوقع غورديولا بيعطينا مفاجأة .. اتوقع انا ان مورينهو بيركز على الجهة اليمنى لنا و بيعطي مهام كبيرة لـ واحد من المحاور انه يكون مسنتر هناك اتوقع بيب في ذي المباراة بيخلي ميسي ينزل في العمق و ما راح يخلي الفيش يتقدم كبير و بيلزمه بـ الرقابة لـ الجناح اللي معه " كريس او دي ماريا " .. و بيخلي واحد من محواركم بدون ادوار " ني ها ها ها " .. طبعاًَ اقولكم هاذا توقع مهوب تطبون فيني خخخخ ..

النقطة هذي مهمة جدا واكثر نقطة ينخاف منها وممكن يخدع بيب مورينهو فيها لذلك لازم يكون مورينهو حاط اكثر من سيناريو في باله للطرق اللي ممكن يستخدمها بيب ومااظنها راح تغيب عن بال مورينهو لان بيب ومورينهو بينهم عشرة وفاهمين بعض اربع مباريات لعبوا مع بعض في موسم واحد

..

ماش مدري وش فيهم المدريدية والبرشلونية طلعوا حبايب الحين وكل واحد خايف من الثاني وين الهيط بس