26/11/2010, 03:38 PM
|
| زعيــم مميــز | | تاريخ التسجيل: 28/04/2008 المكان: إذكــر الله
مشاركات: 2,669
| |
 مباراة غير عن كل المباريات , ولو إنها في اخر موسمين كانت التوقعات مع برشلونة نظراً لـ قوة برشلونة وضعف وتخبط الريال وقتها
لكن حالياً الاثنين يعيشون حالة فنية رائعه ولو إن ريال مدريد بادي تصاعدي على عكس برشلونة اللي ثابت على مستواه من موسمين
الريال مع مورينهو له شخصية وله هيبة وله شكل وهوية داخل الملعب على عكس المواسم السابقة الريال يلعب لكن ماتدري وين مصدر
الابداع فيه .! لكن مع المو صايرين نعرف وين مكامن القوة ومكامن الضعف وعارفين كل صغيرة وكبيرة في الريال لأن مورينهو وضّح
لنا اسلوبة ومشى عليه لين اقتنعنا بـ فريقنا وقوته حالياً في الريال كله نقاط قوة ماعدا خانة رأس الحربة اللي تشكل قلق لنا كـ مدريديين
هيقوين موب قاعد يأدي على حسب الفرص اللي تجيه يعني لو بنحسب الفرص اللي تجيه وبنقارنها بـ الاهداف اللي يسجلها بتكون
فضيحة بحق هيقوين هداف السنة اللي راحت واللي قبلها للملكي , ذا السنه كأن الوضع ماهو عاجبه الولد يمكن مايحب يتقيد بـ أدوار
معينة يحب يلعب على راحته في الهجوم ومع مورينهو نشوفه مقيّد بـ أدوار ممكن تكون صعبة عليه بحكم إنه توّه بزر  والشيء
هذا هو اللي قلل من خطورة هيجوين , الريال إن شاء الله ماعليه خوف إن لعب بـ مستواه وتكتيكه المعتاد , إما اذا لعب المو بـ ثلاث
محاور فـ هو بيجبر لعيبته على الدفاع وافتكاك الكورة وبيخلي برشلونة يمسك الكورة ويحاول يخلق فرص وبرشلونة يستعمل اسلوب
قذر جداً اللي هو [ كثر الدق يفك اللحام ] بيقعد يضغط يضغط يضغط لين يجبر لعيبتنا على الاخطاء وبيسجل وقتها .. لذلك مانبي نتعب
ونأمن دفاعنا زيادة عن اللزوم , دفاعنا وضعه جيّد جداً والمحاور موب مقصرين لذلك خلهم على وضعهم وخل مفاتيح لعبك تجاري
برشلونة يامورينهو لأن عندنا لعيبة هجوميين مايستهان فيهم ولازم نستفيد منهم خصوصاً إن دفاع برشلونة ذا الفترة يعيش حالة
سيئه جداً على غير العادة .
‘‘
ما ابي ادخل في مقارنات بين اللاعبين او المدربين او الفريقين براسهم , لأن ذا المباراة بتوضّح كل شيء وهي اللي بتوضح الفروقات بين كل واحد له دخل في ذا المباراة سواء على مستوى اللاعبين او على المستوى التدريبي .
ما اقول إلا بالتوفيق لـ عيال مورينهو , وأهم شيء اذا بتشغلون رشاشات الموية بعد المباراة حاولوا تخلونها دافية لأن الجو بارد مررررره
|
