26/11/2010, 01:45 PM
|
 | عضو اللجنة الإعلاميه للرياضة العالمية | | تاريخ التسجيل: 23/08/2009
مشاركات: 1,453
| |
إعداد وتقديم / ALONSO.14
تصاميم / حسحس صآلح ‘ نآيف .. لآهنتوا الله يعطيكم العافيه يالغوآلي  / كـ العادة الدوري الانجليزي يطربنآ بكل جولة , كل اسبوع يكون فيه اثارة وهذا الشي يعكس لنا قوة الدوري الانجليزي اللي تمتعنا كـ متابعين وكـ محبين للكورة الانجليزيه .. قمتين رآح يكون فيهآ متعه واثاره اذا كان كل طرف في القمتين في أحسن مستوياته ..  أشوف انها مباراه رآح تكون ممتعه وأبرز اسباب المتعه فيها هو اسلوب الفريقين , اسلوب الفريقين بالسرعه في الآداء خصوصا في حال الارتداد فـ الفريقين يجيدون هالنقطة مباراه أصعب على الارسنال بنسبه أكثر من الفيلآ , الارسنال اوضآعه الحاليه ما تبشر عشاقه بخير بعد الهزيمة في الديربي في الامارات وبعد هزيمة مفاجئه وغير متوقعه ضد براغا في دوري الابطال الهزيمه اللي عقدت اوضاعهم اوربيا , هالمباريتين الأخيره تعكس لنا حال الارسنال الحالي بأنه ما يطمئن عشاقه  الفيلا حالهم برضو ما يبشر بخير , لكن على الاقل فهم في فترة تصحيح اوضآع بعد النتائج السلبيه من بداية الموسم وتأخرهم في جدول الترتيب في المركز 13 , الفيلا فرطوا بالفوز على المان يونايتد في المباراه الاخيره بصورة غريبه بعد ما استخدموا الاسلوب الدفاعي المبالغ فيه , من الممكن ينتبه المدرب هولييه لهذي النقطه وما يلجئ للدفاع المبالغ فيه والاصح بأن أي فريق في حال التأمين على النتيجة يحاول بأنه يمسك وسط الملعب للموازنه والمحافظه على النتيجة . اغبونلاهور / اشلي يونغ / البرايتون , اذا قدموا افضل المستويات راح يسببون للأرسنال مشآكل خصوصا على الاطراف بسرعتهم واتقانهم في المرتدات واستغلال المساحات فابري / نصري / ثيو / بيرسي , اذا كانوا فورمه وعازمين على العوده للاتزان فـ بنشوف سيطره باغلب فترات المباراة على اقل تقدير بوسط الملعب مثل ما شفنا ضد ايفرتون /   مباراة صعبه جدا على الليفر , المباراه الاخيرة ضد ويستهام ما تعكس لنا قوة الليفر وحتى لو النتيجة تفوق بفارق مريح معنويا , أحوال الليفر متذبذبه وغياب الليدر جيرارد رآح يزيد الصعوبات بوسط الملعب , هذا اول اختبار حقيقي لـ هودجستون بغياب جيرارد , مع امنياتي بأن وسط الليفر يكون بيومه "للمتعه" باللقاء لا اكثر ولا اقل يمكن يكون اسلم الحلول هو تواجد بولسن ولوكاس كـ محاور دفاعيه , كاوت وماكسي أطراف وجو كول من خلف النينو توريس , هالخطه ممكن تنجح باحتماليه كبيره لكن المسألة ترجع لـ مستويات اللاعبين بالخصوص جو كول اللي الى الآن ما قدّم شي يذكر بوسط الليفر في المقابل السبيرز في نشوة بعد الفوز التاريخي في الامارات وبعد استمرار تألقه في التشامبيونزليج صفوف توتنهام متكامله الى حد كبير واذا كان فيه بعض الغيابات المحتمله والمتمثله بـ جينس وفارت فـ موجوداللي يعوض اماكنهم وعلى مستوى عآلي مثل ما شفنا في اللقاء الاخير في دوري الابطال ضد فيردبريمن , لكن ممكن الفارق اللياقي بين الفريقين يخدم الليفر بأنه اسبوع مرتاح على عكس توتنهام اللي لعب الاربعاء في دوري الأبطآل .. بالتوفيق للفريقين لتقديم مباراه ترتقي لـ مستوى القمم المشوّقه والمنتظره  /  المانيو احواله بدأت تتصاعد تدريجيا على المستويين الفني والنفسي وهالعاملين متى ما تحسّنت بأي فريق فهو رآح يقدّم أفضل ما عنده من امكانيات , وبدون تعمّق الكل يعرف المانيو اذا كان بأحسن حال  تساوينا برصيد النقاط مع المتصدر تشلسي بعد ما كان الفارق متوسّع هالشي يعطي دفعه معنويه للفريق بأنه يوآصل الاجتهاد في الملاحقه بكرسي الصدارة "ولو اني مابيها الحين" وانتظار تعثر المتصدر نضيف الى هذي النقطة التأهل لدور الـ 16 بأقل المستويات , هذي على المستوى النفسي ... اما على المستوى الفني فـ رجعة روني وتقديمه مستويات حلوه ضد ويغان لما دخل بديل وبرضو ضد غلاسكو رينجرز تعتبر أبرز الاحداث اللي راح تخدم المانيو فنيّا , روني بمستوياته في هذي المباريتين توحي بأنه راح يرجع وبالقريب العاجل لمستوياته الموسم اللي فات ورآح يحل مشكلة الهجوم بعد ما اعتمدنا الفترة الاخيرة على ناني بشكل كبيرعلى ناني , نبيه يسجل بس وقسم ان تشوفون الشغل  نضيف على هالنقطه رجعة جيجز اللي افتقدناه من بعد اصابته وراح يخدمنا بالجهة اليسرى كثير الاوضآع مطمئنه في مباراتنا السبت لكن الأهم هو فورمة الوسط اللي تسوي فارق لنا في كل مباراه في المقابل , ما اقلل من حق بلاكبيرن , فهم دفاعيا تكتيكهم عالي جدا ويعتمدون على التمريرات الطويلة اللي تشكل خطورة على الخصوم , لكن المباراه على الاولدترافورد ونوعية الفرق اللي مثل بلاكبيرن آدائهم العالي دايم في ملاعبهم / ماودي اعطيكم توقعاتي واحرق عليكم مفاجئات الجوله موفقين شباب 
|
