حتى رئيس اشبيلية يقول فريقين بس الظاهر ما وصلهم مصطلح توم و جيري و الا كان غث العالم فيه

ع العموم القضية بالاساس بعيدة عن المنافسة .. و بصراحة التقسيم أشوفه طبيعي على الدوري الاسباني .. لأن أكثر المشاهدات تكون للريال و البرسا بعكس الانجليزي .. اللي تكون المشاهدات لأغلب الأندية [ تشيلسي - المانيو - القنرز - الريدز - السبيرز - الفيلانز - التوفيز - السيتيزن ] و حتى من تالي العالم بدوا ينطربون لسندرلاند و ستوك .. يعني هالاندية كلها لو لعبت مع ويجان و بيرمنجهام و أي نادي ثاني بكون حريص على المباراة و متابعتها حتى لو تتعارض مع تشيلسي ممكن اني اقلب على المباريات أحيان كثيرة

غير كذا الانجليزي توزيع المباريات عندهم يعطي الاندية الثانية فرصة مشاهدة أكبر و بالتالي حقوق أكبر في النقل التلفزيوني .. يعني لما أحط السبت ثلاث أوقات مبكرة للمباريات و الاحد وقتين و الاثنين وقت .. بيكون الدوري متابع بشكل أكبر بسبب أوقاته المبكرة حتى لو ما كانت المباريات للبيغ فور .. فـ هالشيء يعطي فرصة أكبر للأندية اللي من خارج البيغ فور و اللي بالتأكيد شعبيتها أقل لكن لما يبدا الدوري الانجليزي بـ السبيرز و السيتيزن أو التوفيز و الفيلانز بتلقى المباراة مشاهدة و نقل أكبر لأن المباراة هي الوحيدة في هالوقت و مناسبة لمناطق كثير في العالم لمتابعتها .. بالتالي بتكون متابعتها أكثر من انها تكون 11 أو 12 بالليل .. و هذا الشيء اللي يخلي الاندية الثانية في الدوري الانجليزي ماخذة حقوقها بشكل كامل و متقارب مع اندية البيغ فور صاحبة الشعبية الاكبر

هذا اللي عندي من فلسفة :$

شكراً