إقتباس الجولة الأولى لعبنا من دون إبرا وفزنا بأربعة صفر على ليتشي اللي تعادل مع الإنتر وفاز على الفيولا ، ثم شف المباراة اللي بعدها بالجولة الثانية يوم جاء إبرا اللي مبسوطين عليه وكيف ضيع الفريق النقاط الثلاث ، وبضربة جزاء ضائعة من خشيمان بالذات . بعد ما كنا فايزين بدونه 4-0 وبمستوى ولا أحلى .. ! وفي مباراة بارما فزنا بهدف وحيد من مجهود بيرلو أقصد من صاروخ بيرلو وفي مباراة كاتانيا خطفنا نقطة من مجهود الهداف الغائب بيبو إنزاجي أهم شيء لا أحد يفهم من كلامي أني ضد إبرا أو أني أجحد مجهوده بالعكس خشيمان جاء باللي كان ناقص ميلان الموسم الماضي ، ليس إلا ! حارس ودفاع ووسط ميلان هالموسم مثل الموسم الماضي لكن اللي اختلف فقط هو الهجوم ، كنا نعاني من بوريللو وجاء من هو أفضل منه سواء إبرا أو دزيكو أو غيرهم ، والقدر كان يريد إبرا وبطريقة زرفة من برشلونة ولا أحلى يعني هالموسم بعد ما تعاقدنا مع مهاجمين مثل إبرا وروبي قدرنا نكمل الناقص ونتصدر . وبالرغم من أني متأكد أنكم تفهمون كورة ، ويمكن أكثر مني بعد إلا أنكم تناقضون أنفسكم لما تشوفون أبياتي يصد ثلاث فرص محققة للجول وإبرا يسجل هدف واحد ، وتنتهي 1-0 ثم تقولون يا لبى إبرا طيب وين راح مجهود أبياتي ونيستا وسيلفا والمحاور اللي مرماهم نظيف لمباراتين متتاليتين . الكورة لعبة جماعية يا جماعة الخير ومثل ما قال زعيم كتالونيا : ظنك لو إبرا يلعب مع السامب أو جنوى أو لاتسيو أو روما بيحققون الدوري ؟

كل هالكلام << غلط ياسعد

فيه كلمتين ناشبات بحلقي وابطلعهن وهن

الانتر بدون مورينهو عادي

الميلان بدون ابرا عادي ..

هذي عن كل نقاشاتكم .؟
سلام ..