إقتباس play بداية تشجيعك للأرسنال

قصة طويلة وتقريبا استمرت اربع سنوآت وانا محتآر كيف اوصل لهالفريق ..!
بعد كأس العالم 98 شدني لعب بركآمب حتى اني كنت اضرب الكورة بالحوش
بجدآر جارنـآ علشان تجيني نآزله من فوق بعدين اثبتهآ كوبري بخوي عبدالله ويصير
زي هدفه بالارجنتين حتى كنت افرح نفس الفرحه حقته .. طبعآ لصغر سني وعدم
معرفتي بالعالم والكرة التي تلعب هنآك واقتصار البيت على القناة السعودية والثانيه
والدش كآن بالملحق فقط كنت اتآبع الكورة المحليه اللي ماتخليلك مجآل تتآبع اي كورة برى
اقصد باوروبا وغيرهـآ وكنت دآيم اجي من المدرسه واروح الملحق واشوف الاخبـآر
قبل لايجون اخواني وابوي ويقوموني المهم كآنت ابوظبي تجيب اخبار الرياضه بعد
الاخبار الرئيسية وكنت اتحمس وانا اتآبع اخبار الدوريات والاهدآف ومره من المرآت
كنت تآكي اشوف الاخبـآر الا يوم سمعت ان اليوم نهائي كآس الاتحآد الاوروبي بين
الارسنآل وغلطة سرآي وفجأه لمحت بركآمب وسوكر وقلت هلا هلا وش جآبهم
بفريق وآحد ذولا والله يوم جآء اليوم اللي بعده لقيت غلطة سرآي يمشون بالبآص
بشارع ومعهم الكآس والله يآ انا انغبنت غبنه غير طبيعيه .. وشوي يوم جآبوآ ركلآت الجزآء وشفت
سوكر يوم يضيع ركلة الترجيح وشفت الفريق وهم يبكون عقبها قررت اني اتآبعه واستمر
بحثي عن هالفريق ووين فيه يلعب الين صرت اتابعه بدآية من عآم 2001 ..!
وكنت اروح لم عمي يوم الخميس واشوف ملخصات الكورة الاوربيه كآن يجي على
اي ار تي وكآن يقدم البرنآمج اثنين مصآريا .. وهذا اللي خلآني ادعس مع القنرز

إقتباس record لحظات تاريخية للفريق

اللحضآت التآريخية وآجد وتتويج الفريق بدوري 2004 كآن احدآها ..!

لكن اللحظه التآرخيه بالنسبه لي وهو سحقنا لكبآر اوروبا في ايام قليله
ولكن للآسف لم تكتمل بفوزنآ بالبطوله ..!
الريآل ومن ثم اليوفي كانت لها مذآق اخر مع كوكبة نجوم الريآل لم يتوقع احد
ان نهينهم بالبرنآبيو ومن ثم اليوفي اللي كآن يلعب امامنا وآثق من الفوز والتأهل
وكآنت تصريحآت دل بيرو لم تمحى من ذآكرتي عندما قآل اننا سنعبر بسهوله
الى ان ذهبوآ الى المقبره فلقنهم فنقر وابنآءه درس بالطقطقه والفن
وانذروآ جميع الطليآن ان الاحمر قآدر على اهانة كبيرهم ايضا
واكدوآ لهم ان خمآسية الانتر لم تأتي وليدة صدفه ..!

واكدوآ ايضا للجميع بأن تآريخ فخر لندن لا يهآب 27 دوري ..!

إقتباس prev في مبارة معينه تمنيت يرجع لنا جيل من الاجيال السابقة " ادري انك ما فهمت لك شف ردي تحت "

عندمآ ارى العشوآئية باللعب والاستسلام بالخصم وتخآذل الدفـآع ..!

كل خروج الارسنآل المرير في السنوآت الاربع الاخير لم يحزني لأن وصولي
لثمن او نصف النهآئي بهؤلاء الشباب هذآ بحد ذآته انجآز لكن اني اخسر بيدي لا بيد
الخصم هذا الشي يخليني انقهر و اتحسر على ذيك الايام ..!
يعني قالاس وسلفستر وسندروس بالله هذولي كفو يمثلون الفريق .. عشرات اللاعبين
بهذا الدوري يفوقون قالاس وسلفستر وسندروس بالاكآنيات ومع ذلك نتعذر
بديون وكأن المبلغ المطلوب مئة مليون وليست 9 او 8 مليون ..!

اما بالنسبه للمباراة او اللحظات فهي كثيره جدا واخرها مباراة تشلسي و برشلونه العآم المآضي ..!

إقتباس next مبارة توقعت فيها بمستقبل للفريق

مباراة اي سي ميلان بالسان سيروآ .. امتزجت الخبره بحيوية الشباب
فكآنت الطقطقه والنتيجه هي محصلة تلك المباراة وبعدها اعلنت ان الارسنآل قد
عآد من جديد لكن بعد الخروج من الليفر بآخر الدقائق في ثمن نهآئي
كآنت الانتكآسه من جديد واستمرار التعادلات بالدوري وذهآب الصدآرة

إقتباس pause لحظات حزينة للفريق

ايييييييه ليش ترجعوني لي ذكرياتي الحزينه هذا اذا قآلولك يوم مشؤم
وتتعب وانت تقوم مشؤم مدري ليه ماانتحرت ذآك اليوم لكن يعتبر من اتعس
الايام بحياتي كلها ليس فقط لانه يخص الفريق ايضا من نآحية حياتي الخآصه
والخاصه جدا لان هالمباراة كانت بوقت تبخرت فيه احلامي اللي حطيتها لنفسي كلها
وماتوقعت ان الارسنآل بيخذلني ويزود علي الهم ويخسر تلك البطوله ..!

اللي هي بالنسبة لي حلم حلم حلم لكن اللي حدث انه زآدها وخلآني ابكي ذآك اليوم

السالفه ان ذآك اليوم وبعد سالفتي العآطفية البحته كنت ضايق صدري وكنت نآيم
وحلمت ان برشلونه فآز وآحد صفر وحمد لله طلع حلم . السولافه اني قبلها بيومين كنت
بالاسترآحـة وكنت متفآءل تفآءل غير طبيعي اننا بنفوز وكنت اهايط على البشرية
كني اشجع البرآزيل المهم حطينا حقوق من اللي يفوز بالبطوله وترآهنآ على ذبيحة
وكآنت بين طرفين بيني وبين فهد البرشلوني وكنت وقتهآ قآمط اوم العآفية قبل
لاتبدأ المباراة وانا تآكي بالملحق ومصكر على نفسي الباب ومسوي لي بريق مقآس 12
شآهي شوي تبدأ المباراة وانآ جالس ادعي ان ربي ان يجيهم طرد يلخبط اوراقهم
او يآخذ خط الدفآع كروت صفرآء لكن اللي حدث عكس اوه ليمآن طرد وقتها قمت اللعن
واشوت المرآكي .. لكن فجأه انقطع البث يآولد مهيب هي دبرونآ قلت يآولد وش تبي
خلآص اعصآبي ماعاد تتحمل واجلس لحالي والبث منقطع وادعي ان الحظ فقط يكون
حليفنا لاني اعرف ان فريقنآ يلعب بيومه وكل لاعب بالفريق بالفورمه الا لاعب
وآحد بس هو اللي ذهنه كآن خآرج الملعب عرفتوه ولا اقولكم

بعد مرور عشر دقايق وانا جآلس بروحي ماقدرت اتحمل ودقيت على العيآل قلت
وينكم قآلوآ حنا بالمقهى الامم والله واشغل الانترآ وادزهآ للكآفي قلت ابروح اتابعها
بالكآفي ابرك لي رحت للكآفي والنتيجه وآحد لنآ صدق كذب انا بحلم ولا علم دريت
ان الفريق عآزم على البطولة الا وآحد عرفتوه ولا اقولكم

المهم تكيت بالكآفي وبدآ الشوط الثآني واستمر هذآ اللاعب بتفنن والتفكير خآرج الملعب
والنتيجه لعب بآعصآب وآحد ميت ميت سوآء فرحة بالفوز او حزن بالهزيمه

ولكن تيري استمر بالغيآب والتفنن بتضييع الفرص وقمت بعد اخر فرصه ضيعها هنري
يوم تزلق الكورة وتطلع قبل لا يلحق عليها قلت برشلونه بيفوز وقمت من الكرسي
وقلت والله ان يفوز برشلونه واثر العآلم كلهم يشجعون برشلونه ومافيه الا انا الحآلي اشجع الاصفر ..!

وقمت وطلعت وجلست انآظرها من برى المحل شوي اتضحت ملامح المباراة
البرشآ نآوي الفوز .. ومحآتسيكم تلفت اعصابه .. هدف اول من ايتو .. صاحبها
انقطآع بالبث .. صآحب هذآ الانقطآع انقطآع اخر عصب من اعصابي ... رآسي
افتر ماقمت اشوف رحت لسياره لكن تمآلكت نفسي ورجعت قلت ضنك يقدر الارسنال
يجيب الفوز ايه يقدر رجعت لكن اوووه هدف ثآني من بليتي اللي لو تسأله الحين
وشلون جآك اللعب وقتها وقدرت تشوتها بالبآب يقولك من الله .. لأن هالاعب المعآق
ماقد سدد تسديده وحده على الباب صح .. يعني تدري ان الكل متفق يموتني ذآك اليوم
عقبها قررت اني اروح للبيت اصيح ابرك لي ...................!
انتهت اخر احلآمي




@

نعنآع ياليتنا من زمآن مفوزينك بالمدرب الافضل

@

مبروك الفوووز ماقدرت اشوف المباراة اليمني حق الكفي يقول كل العالم يبون
مانشستر مافيه احد يشجع ارسنآل خخخخخخ

@

متآبع لكل وآحد وقصته اتمنى تطولون السوآلف بحكم ان الدنيآ اجازات