السلام عليكم ورحمة الله وبركاته
زي ماحنا عارفين انه فترة الانتقالات الشتويه قربت
وعلى كلام 90% من الجمهور الهلالي ان لم يكن كله .. الهلال يحتاج الي مهاجم قناص
علاوة على انه الامير عبدالرحمن بن مساعد قال نفس الكلام
وش اللاعب اللي نحتاجه ياجماعه قبل نجيب اي لاعب ونتوهق فيه !
بالنسبه لي مع التدقيق من فتره ماهيب قصيره والله
- مهاجم قناص " مايحب الفلسفه قدام الباب "
- سريع
- مهاري ان حصل
- الراس عنده 100% لانه ضربات الرأس عندنا تكاد تكون 0 %
- ضد الكسر
اصاباته قليله
- ماعنده ارتباطات مع منتخب بلاده << اهم شي
-صغير السن
- بنييه جسمانيه قويه
- مغمور
- رخيص مقارنه بأداءه
- يعرف يتمركز
لقيت لي كذا لاعب بالمواصفات ذي اللهم كان يعيبهم السعر لانه اسمهم كان رنان نوعا ما
الا واحد ممكن تركب عليه كل هالمواصفات ورخيص
طبعا اللاعب برازيلي ... ولاتقولون لي ياجماعه اوروبي
ماقد شفنا مبدعين زي البرازيليين عندنا وعند غيرنا
خصوصا وانه الابداع عندهم بالفطره هالملاعين
اول لاعب طرى على بالي :
لياندروا داسيلفا
مهاجم نادي السد القطري وجامبا اوساكا سابقا
مواليد 12 فبراير 1985 يعني 25 سنه عمره
لعب في قامبا اوساكا الياباني .. وحقق لقب هداف دوري ابطال اسيا للنسخه الماضيه
هدافي دوري ابطال اسيا 2009 اضغط هنا
انتقل للسد تحت قيادة كوزمن
لعب في دوري ابطال اسيا النسخه الاخيره ... وخرج السد من دور المجموعات ...
ومع هذا لينادروا كان هداف البطوله حتى نهاية مباريات دور الـ 16 !!!
وصيف هداف الدوري القطري للسنه الماضيه او اللي قبلها ماذكر بالضبط ب 20 هدف !!
لاعب قناص بالفطره
سريع
واللي يساعدنا على مفاوضة اللاعب حاليا
انه طيب الذكر كوزمن راكنه بالاحتياط على اساس انه ماينفع لخطته وراح جاب من هالافارقه
لينادرو اسير دكة بدلاء السد ... والهلال يحتاج لمهاجم قناص
ياجماعه صلحولي كاني غلطان
اللاعب مالقيت له الا فيديو واحد لدوري ابطال اسيا مع قامبا اوساكا ... نص فيديواتهم ياباني مايمدي بقوه
خمس دقايق من اهداف القنّاص لياندرو
في الدوري الياباني
YouTube - Leandro Montera da Silva
المهم
هذا فيديو لمباراه قامبا اوساكا مع سيول الكوري وانتهت 4-2 لقامبا اوساكا ... سجل لياندرو منها 3 اهداف
YouTube - ACL FC Seoul vs Gamba Osaka 2-4 AFC Champions League 17/03/09
ممكن نقول تحصل في اكبر عوائل المهاجمين
تعالوا شوفوا اهدافه مع السد
شوفوا انطلاقة لياندرو من الطرف وشوف كيف التعامل بدون فلسفه
YouTube - السد × العربي (2-0) لياندرو داسيلفا(القسم الثاني/09-10
هنا فيديو للأصرار من لينادرو
YouTube - اهداف السد - لياندرو
هدف خوقاقي من المهبول لياندرو
YouTube - اهداف السد - هدف لياندرو الثاني
قول بدون نفس من لياندرو على قولة المذيع " في اسوأ حالاته "
YouTube - هدف السد على العربي --2009--2010--هدف لياندرو
شوف الهدف هذا اكثر من مره .. المره الاولى بتشوفه عادي .. المره الثانيه ناظر لياندرو كيف يتمركز ويغير اتجاهه قبل يرفع له اللاعب الكره .. تمركز ذكرني بانزاقي
YouTube - اهداف مباراة السد و الغرافة الدورى القطرى 2009 2010
في النهايه
سواء جاء هاللاعب والا غيره
نبي لاعب مو مرتبط بمنتخب بلاده .. وفيه كل المواصفات السابقه
وكثير اللاعبين
لكن ذا اللاعب عيني عليه من يوم كان مع قامبا اوسااكا
هاليابانيين من وين يجيبون هاللاعبين مدري
رايكم يهمني ياجماعه في هاللاعب
تحياتي وفمان الله
