نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ..{المحبه بالقلب +مستواهم التعليمي+أول ظــهورلي بالتلفـــاز}..

طفلة خانها التعبير · #1 31/10/2010, 07:57 AM

السلام عليكم ورحمة الله وبركـــــاتهـ

مدخل:
مآ كل سآكت مآ على خاطره شششي ..!

و لآ كل صرخآت الحنآجر لهآ صوت !!

................................... لهآ صوت

!!

شخباركم؟؟
ان شاء الله تكونوا باأتــــــــمـ حال..
أحس من زمان عن ايقونة موضوع جديد المهم ان تجمعت كم سالفه في نفسي قلت اكتبها عندكم
خبركم لاوظيفه ماغير نهف ذبان

انا وايطاليه ونحلم

الله يرزقنا آآجمعين..
ندخل بالمواضيع اللي تخالج نفسي

((

المحبهـ بالقلب

))
هذا الله يسلمكم فلان رزق ببنت طبعا اخوانه اللي قبله الكل مسمي على امه وابوه يعني على سبيل المثال لاالتحديد

اسم ابوه مرزوق وامه نفيسه
كل عيال اخوانه الكبار اسمهم مرزوق ونفيسه..
المهم كان بنت تقول لصديقتي بصراحه زوج عمتك مافيه رجوله

قالت لها صديقتي ليه:قالت اللي مايسمي اول ((ضنى)) له على امه وابوه مو رجال..
عاد دخلوا بنقاش حاد.. الين ماسكتهم ثنتينهم باسلوبي الخاص..
عاد دار نقاشنا حول تسمية اول ضنى باسم الاب او الام اي كان الاسم انا برايي ماله داعي نجرد الرجال من رجولته اذا ماسمى على والديه ..
والمحبه بالقلب مو بالاسمـ..
صحيح مانستخسر عليهم ضنى والفرحه المعنويه لهم وقتها تسوى الدنيا ومافيها لكن بعد الموضوع مو فرض..
والبلا الاكبر لاصار اسم الام والاب الله المستعان..
اذكر وحده في حينا مسميه بنتها ((نومه-بزّه- وابوي مسمي عمي رجب

((على مصري كان يراسله))لاويقول ماقد شفته بعمري بس بينا رسايل

ومره صارت قصه لواحد ((هذا اجرده من رجولته)) كان جايه ولد ومسميه على ابوه بس ماثبت الاسم رسمي
المهم قال واحد من الجالسين شرايك تسميه على اسمي ولك 5000 قال ابشر اعتبره سميكـ .. الابو زعل

وطلع ومارضى على ولده الا بعد تدخل الاقارب والجيران..
وفي بعضهم الله يصلحهم يظلمون ابناءهم بالاسامي اجل رجال طول وعرض اسمه((ياقوت))وبنت اعرفها اسمها ((جزيره))وبنت في التطبيق اسمها ((قذيله))
وبعضهم الله يهديهم متعقدات من اساميهم اذكر وحده اسمها ((مريم على ام ابوها))يعني جدتها

المهم في المدرسه تقول للمعلمات انا اسمي ريم قالوا لها موجود عندنا وفي حفيظة النفوس وشهاداتك مريم
قالت لا ريم

عاد امها كانت مدرسه بنفس المدرسه قالت للمعلمات :جاملوها وسموها ريم

المهم راحت متوسط يعني ((مدرسه جديده))صار اسمها مريم وتعصب على المدرسات انا اسمي ريم

..
وانا اشوف انها قلة حياء من البنت جاملي ابوكي على الاقل

..
وخالتي توها جايبه بنت و32 يوم البنت بدون اسم طبعا سمت على امها وامه وهذي الثالثه ومحتاره شتسميها((مره جود-العنود-وجدان-تيماء-براءه-تهمه

<<امزح-ريتال-رفيف))وانتوا اختاروا

وبعضهم مثل اخيي المهبول يبغى يسمي على محمد نور

بنته الاولى سماها على امي.. قال لزوجته اذا حملتي وجبتي الثانيه نوران
كان اروح واقول لبوي ولدك يبغى يسمي بنته الثانيه نوران على محمد نور كان يعصب ابوي ويقول والله مارضى عليه ليوم القيامه مو ناقص الا هالاشكال يسمي عليهم

وادق رقبه مثل هالفيس

ماودي اصير فتانه بس مااحب محمد نور

((وفي النهايه خير الأسماء ماعبد وحمد))
الزبده من الموضوع كله..
س: هل التسميه تيمناً بااحدى الاقارب او الوالدين او الزمن مثل اذا نولد بعيد الاضحى سماه ضحيّان يعتبر دليل على المحبه او الذكرى؟؟

((المستوى التعليمي))
كنا انا وشلتي المصونات الصالحات

الله يحقق لنا امانينا والسامعين يقولون امين واجمعين..
المهم نتناقش على سالفة
المستوى التعليمي للرجال اذا يؤثر على الحياه الزوجيه او لا؟؟
اختلفت الاراء اللي قالت اهم شي دينه وخلقه والا شهاداته ماراح استفيد

واللي قالت مو عيب ان يكون دينه وخلقه وشهاداته وتكتمل الكفاءه بكل شي..

فاانقسمنا مابين مؤيدهـ ومعارضه..
وعن تجربه شخصيه اشوف تكافؤ الكفتين واعلى مستوى بالنسبه للزوج انجح للمؤسسه الزوجيه.((ولااعممـ))
تدخلت وحده قالت انا مره سئلت اخوي قال ترى المره اذا صارت اعلى مستوى تعيلميا من زوجها الزوج يكون مكسور من الداخل..
وفعلا لن كان سبب انفصالي اللي ارتبطت فيه كانت شهادته ثانوي وعسى مااعقب على شي قال((مو انتي جامعيه انك بتعرفين اكثر مني))..
وهالشي لاحظته على كثير واخص مجتمعي..
يستثنى من تزوج بهدف انه راتبه ضعيف ومجبور بانه يتزوج بـاللي تقدر تصرف على نفسها وكم طشار عليه برضاها وهالفئه معذورين ((بحجة الوضع الراهن لغلاء المعيشه)) ..
((المضحك ان مره سئلت وحده متزوجه ليه كملتي انتساب قالت خفت ان ولدي اذا كبر يقول ليه ابوي جامعي وانتي ثانوي)) فخوفها من هالسؤال خلاها تكمل دراسته <<قلت لها ماسئلنا امهاتنا ..<<عقليه مدري شتبغى..

سؤالي:
هل تكافؤ المستوى التعليمي للزوجين او عدمه يؤثر على المؤسسه الزوجيه؟؟

((اول ظهور لي بالتلفاز))
هذا يامحافيظ السلامه كان في 98..
في مهرجان دبي..ايام اغنية راشد الماجد((دبي دانة الدنيا -وعشقا ماله اخر))
وهذا صورت الفانيله اللي لبستها اه ياطفولتنا..

((كان عمري من 10 الى 12))<<عشان ماتحسبون عمري الحين كم

المهم
كنا رايحين للقريه العالميهـ
وانا اللي اروح قسم سوداني
واشوف حنايه وابلّم..((ابلم=أفهي))

كان تقولي تعالي احنيكي
وامد ايدي
شوي ويجون تلفزيون الشارقه وامد ايديني وامي ترتب شعري
واخوي عينه تدمع..
وندور ابوي ونلقاه بعد عنده لقاء مباشر في قناة دبي..
ويصوروني وقالوا لي شوفي نفسك اول ايام العيد كان عيد الاضحى المهم
واجي واوصي معارفنا شوفوني على الشارقه اول ايام العيد الساعه 7 بتوقيتنا 8 بتوقيت الامارات..
وماضل احد ماوصيته..
المهم
ونحط الشارقه ويجيبون تقرير عن الركن السوداني
ويجيبون اناملي ويخلون فيسي يولي
الله وكيلكم وقتها ماعيدت ياانا فشلت فشيله..

وانا اللي احاتي بعد كم سنه بااتغطى

وبودع الطفوله

((بحكم ان حنا نتغطى من سادس))
عاد ابوي قال ماتقعد بخاطرك ورحنا بعدها بسنه دبي ورحنا للبرنامج اللي يبثونه في قناة عجمان وطلعت بكامل هبالي مع وفاء ومروان خوري في شارع الرّقه..ايام تشتوش السوداني الدب ((ياعسل)) مع طيف اللي شعرها طويل يارب تذكرونه؟

وبس..

قبل الختام اللي ماله خلق يقرا السالفه:
يجاوب على الاسئله نهاية كل سالفه

..
((كم مره قلت عاد))

عاد السموحه ان اعترى بسوالفي الفوضى لكن العطاله خلتني افوض بدلوي

..دعواتكمـ لي أتوظف

..
..وشكرا لكمـ

مخرج:
كان من دعاء رسول اللّه صلى اللّه عليه وسلم:
اللَّهُمَّ إنَّا نَسألُكَ مُوجِباتِ رَحْمَتِكَ،
وَعَزَائِمَ مَغْفِرَتِكَ،
وَالسَّلامَةَ مِنْ كُلّ إثْمٍ،
وَالغَنِيمَةَ مِنْ كُلّ بِرٍّ، وَالفَوْزَ بالجَنَّة
وَالنَّجاةَ بعونِك منَ النَّارِ
((اللهم آآآمين))