نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

بنوتة**هادية^_^ · #1 30/10/2010, 12:13 AM

مراااحب الكل ..

الموضوع براسي من ايام عيد الفطر كتبت نصه ووقفت ومافضيت له الا اليوم <<<

شهر الحج يعني الجو حلو

..براد وامطار

..وطلعات بر

..وشبة نار

..وتخييم

.. وسمرات وجلسات سهر مع العزيزين على القلوب ..شاهي ..قهوه .. شوي ..طبخ ..وحركتاات ..وبركتاات

طبعا مين مننا مايحب هالشي .. يمكن انكم تستغربو اني اكتب هالموضوع ..بس انا اعشق هالشي

..لأن

بالنهايه بنت بدويه <<وافتخر اني بنت بدويه ..

بس عيشتي في جده غيرت طريقة كلامي

(واكيد عشان اهل امي واهل ابوي من المنطقة الغربيه)So كثير من

البنات لما يعرفو لقبي وايش ارجع يتفاجأوا

ويقولو باين ان انا من الحضر .. فيكون ردي عليهم ماجبت

هاللجهة من بعيد

اهل امي واهل ابوي <<

المهم ..<< سوري على الشطحه

أنا احب هالطلعات او ماتسمى بالكشتات

ونظرا لسوء حالتي الصحيه انا واخوي الله يحفظنا

فقد منعنا من هذي الطلعات

<<اصحاب الربو

والحساسيه يعرفو ليش ..

جاري التخطيط لطلعه

<<بالطيب بالقوه راح نطلع

احنا عارفين انو هذا النوع من الطلعات يحتاج وقت للتخطيط <<اما تخطيط سريع سريع مايجي

يعني الاكل ..

السكر (اغراض القهوه والشاهي ) (اغراض الطبخ ) (اغراض السلطه ) (قراقيش السهره ..مكسرات

)

الملح <<<اللي اكثر الناس تنساه

نفسي اعرف ليش

والبرادي الاصفر

<< هالبرادي ابوي يسميه صاحب الطلعات

<<

اللي عنده صورته يحطها مافيني احطها <<

والكبريت

<<<يووووووووووه ياما اتهزئنا عشانه

المويه .. وتكون اكثر شي

..وانا من الناس اللي تحب ترمي

قوارير المويه الصغيره الجديده بالسياره بالشنط بين الاغراض ..<<ما اعرف ليش ..

يمكن لأني اقرأ ان فيه شباب وناس يموتو من العطش

..يضيعوا الطريق ..

ويموتو عطش ..

::

::

واهم من كل هذي الاشياء شنطة الاسعافات الاوليه

اللي الكل مهملها ..

الاعتراف بالحق فضيله ..

احنا ماعندنا..

بس انا عندي شي (ناسيه الكلمه اللي توصف حالتي )

وسواس يمكن ..

..المهم ..ان اخذ اشياء كثيييييييره ..

ملقاط .. مقص ..لصقات جراحه ..اعواد اذاني .. مسحه طبيه .. شاش .. قطن ..

بندول فيفادول بخاخاتي انا واخوي وصديقه الصدوق موسع الشعب .. <<الله يشفي كل واحد عنده حساسيه او ربو ..

ادوية ابوي الله يحفظه <<<صيدليه

طبعا كل هذا يكون بشنطه واخليها بالسياره ..اذا احتجتها انزلها ..

::
::

تكلمت عن الاشياء الاساسيه قد مااقدر ..

<<اذا في شي نسيته او تشوفوه مهم واساسي اضيفوه عادي

حابه اتكلم عن السلامه والامان <<متعمد اقلبها

انا وحده بجد قلق وقت هالطلعات

<<<صدقوني

بس لي جوي

..اضحك واتكلم عادي وانكت والعب ومقالب لما يكون في برود بالجلسه وخطط مع البنات ..

يعني محد يلومني ..

الكل يقول ان تصرفي من الحرص ..

<<والله اني خوافه

يعني مثلا..

الصغار ممنوع يطلعو الدبابات لحالهم ..

<<ياكثر حوادث الانقلاب منهم وبعدين

احنا طالعين ننبسط مو واحد بزر ينكد علينا ...

الصغار لايقربو من النار ..نفس الشي <<

الصغار لايبعدو عن الخيام ..كمان نفس الشي <<

الصغار فينهم فلان فينها وفلان فينه ..<<قمة في القلق

حتى الكبار العقارب والثعابين ..والذيااب (الذئاب )

<<<

يعني لازم ينتبهو

<<<يوووووه يا انا >>>دوبها تستوعب القلق اللي تسويه

::
::

ووقت الروحه للبيوت

..اللي ناوي على عمره من الصغار لا يركب

سيارتهم..<<<تراني اصرخ عليهم اخليه

يروح لأمه يبكي ولاينسوه اهله

<<< أي نعم هاديه مافي

احلى مني وانا رايقه

…واحب الصغار..

بس شريــــــــــــــــــره بقووووه لما احد يعاندني ..

يعني اتكلم من تحت ضروسي واوريهم العين الحمرا وبس كم كلمه...

اللي مومتعود على هالمنظر يبكي والمتعود يعرف ويخاف وينفذ بدون أي كلمه <<<ماتقصد اخواتها

احيانا اجلس

اتكلم مع خوالي على الشي هذا..

واعتذر منهم اذا هالشي يزعلهم بس ياحبايبي

يقولو عادي حتى لو تضربيهم عاادي

<<بس مو انا اللي اضرب

طفل ..

فـ كل واحد يشوف عياله ويطلعهم سيارته

..بروح مع فلان ولامع علان اكثر شي

ينرفزني...

ياما سمعنا عن ناس ينسو اطفالهم اوبناتهم يفكرو انهم بسياره من السيارات وهم ما يكونو مع احد ..

::
::

في موقف صار لنا وقت وحده من الطلعات ..

كنا احنا البنات طفشانين قررنا نلعب حكم

..مع الحريم الكبار كل ام تمثل واحد من اولادها

..المهم

الشباب بدأو وحكمو كانت احكامهم في صالحهم ..

اللي تنظفت سيارته

<<وانا حكمت على واحد يوصخها بالتراب ويعدمها ويخليها اوصخ مماكانت عليه خخخخ

ليش انا ارتبها ..

<<بس بركه مارجع وقال نظفوها الظاهر انه نسي

واللي تسوي اكل ..

واللي تسوي شاهي ..

واحنا البنات ..

كانت طلباتنا حلوه

..اللي يرتب خيمتهم

.. واللي يعطينا الكونكت حقته مدة ساعه <<يا انو زعل

والل يقفل جواله ويعطيه امه ولايشوفه الا ثاني يوم طبعا على حلف ووعود

<< واحد مملك مسكين حزنني

مازعلنا من بعض بالعكس انبسطنا ..

حلوه الطلعات مع العائله المتماسكه

..اللي الكل قلوبهم على بعض ..

::

::

مواقفكم وقت الرحلات مين اللي اهله نسيوه ومين نسي اهله

.. وايش اكثر شي تحرصو

انكم تجيبوه واكثر شي مسكين تنسوه ..

ماابغى مواقف مرعبه <<<بلييييييييييييييز

و كل عام وانتو بخير قبل اللحمة والزحمة ..<<<مستعجله على الاجازه

اي غلطه سوو نفسكم ماشفتوها <<<