تعادل بطعم الفوز .. في ظل الظروف الراهنة ..

الفريق في المركز التاسع بفارق ثلاث نقاط بس عن المركز الثالث و الرابع.. اللي هي هدف الفريق المنطقي هذا الموسم ..

الشي الأهم هو ان الفريق لعب مع الثلاثة الكبار.. يعني فرصة تحصيل النقاط و اللحاق باعلى الجدول قائمة اكثر..

التغيير الذي عمله دل نيري في الشوط الاول تغيير ينم عن عقلية تكتيكية .. ابغاكم بس تقارنون اللي سواه دل نيري يوم طلع دل فيكيو في الدقيقة العشرين و الفريق متأخر بهدف و الضغط كان جاي من جهته و هو مو عامل شي في التغطية ..

ابغاكم تقارنونه بحادثة مشابهة بشكل كبير.. و هي مباراة ميلان في السان سيرو الموسم الماضي .. عندما كان كانديلا يلعب في نفس المكان الذي لعبه دل فيكيو و كان الفريق متاخر بهدف و الضغط كلها من جهة كانديلا السيء و السيء جدا ..

قارنوا بين فعل دل نيري و كابيلو .. و احكموا اذا كلامي اللي قلته قبل عن كابيلو صح ولا غلط ..

و تكفون لا يجيني احد يتفلسف بغباء يرد يحسب اني اقصد بكلامي ان دل نيري احسن من كابيلو .. ركزوا في كلامي و افهموا مقصدي ..


مونتيلا و اااااه يا مونتيلا !! يعجز اللسان عن وصف ابداعه الليلة ..

بس الحلو تعليق واحد من العيال كنت اشوف المباراة معه .. يقول مونتيلا متعني يطق الكورة في العارضة و ترجع له عشان يكون الهدف احلى طبعا خويي يستهبل .. بس لو شفتوا الهدف بالأعادة و حطيتوا في بالكم هالفكرة بتطلع لقطة طريفة مرة

و اااه لو هجمة مانشيني السهلة اللي كانت على الستة و ما يبغى لها الا لمسة ..

اااااه لو انه مسجلها .. ياهي بتصير وناسة .. و باطقها ابتسامة من الانشكاح لين ستة شوال

انا عارف ان العادة وضحت انها تسلل ..

بس يا طعمها الفوز على ميلان بهدف تسلل و نقهرهم مثل ما انقهرنا العام اللي راح ..

ختاما .. فورزا روما و المستقبل مشرق اكثر