أبي أفهم اللي يرشحون انيستا يعني بيرشحون كارديفلا لو كان هو اللي سجل الهدف أو فابريغاس ؟

أشوف هدفه بالنهائي عادي وأي لاعب بمكانه كان بيسجل الهدف واللي أشوفه برز بالنهائي كاسياس وألونسو وتشافي وفابريغاس

انيستا كان عادي جدا وأفضل مستوى له قدام البارغواي !! وعلى قولة صديق يشجع برشلونة إن انيستا له تصريح إنه من أسوأ

مواسمه مع البرشا بسبب الإصابة وكلنا لاحظنا غيابه عن أهم فترات الموسم !!

يعني شلون ترشحون لاعب عشانه سجل كورة مقشره من فابريغاس !!!

بالنسبة لي الجائزة بين ثلاث لاعبين :

1- شنايدر : ثلاث بطولات + نهائي كأس العالم وخمسة أهداف فيه !!

2- فورلان : رابع العالم وخمسة أهداف فيه ونال كأس السوبر أمام الإنتر
وحسم كأس الاتحاد الأوروبي بهدفين في النهائي وأهداف مهمة جدا في المشوار
أمام فالنسيا وليفربول في الوقت الإضافي وهدفين أمام فولهام في النهائي منها هدف قبل نهاية الوقت الإضافي بأربع أو ثلاث دقائق.

3- تشافي هرنانديز : مستوى رائع مع برشلونة وبطولتين ومستوى ممتاز مع اسبانيا ونيل اللقب ... يستحقها أكثر من انيستا بمليون مرة وأستغرب من برشلوني يشوف انيستا أحق وعندهم ساحر مثل تشافي ؟

كل الثلاثة في نظري يستحقون الجائزة .

بالنسبة للمدربين فلا جدال أن مورينهو يستحقها فقد واجه مدربين بأفكار تدريبية ومستوى لاعبين أصعب مما واجه ديل بوسكي
الذي كان للحظ والتحكيم الدور الأكبر في فوزه باللقب وليس لتكتيكه وطريقة تدريبه .