هذا الله يسلمكم واحد من الزملاء حصل له هذا الموقف المحرج يقول : مرة من المرات وقفت سيارتي عند محل تصوير وتركت اقفال الأبواب مفتوحة ودخلت المحل علشان اخلص شغله بسيطة المهم يوم طلعت شفت سيارة زي سيارتي بالضبط موقفة وراي جيت وأنا كلي ثقة ان هاذي سيارتي بعدين فتحت الباب وحطيت المفتاح في مكان التشغيل يوم جيت اشغل السيارة التفت يمين وانا اشوف ( حرمه )
راكبه معي .. قلت : وجع وش ذي الورطة . ( الحرمه ) من شافتني اركب السيارة تحسبني ( حرامي) قامت تصارخ ...
سحبت المفتاح من مكانه وقلت : ( الهجة ) يولد لا يقعد يجي زوجها ويحسبني ابسرق السيارة والحرمه... وبعدين انا خفت انها تجمع الناس علي وتقول : حرامي ... حرامي
وبعد ها لفاصل الدرامي عرفت انا ووجهي انها مهيب سيارتي
رحت اركض وانا ادق سلف موتري واقول بيني وبين نفسي ..الحمد لله على السلامة . وكل شوي وانا اناظر في المراية الخلفية لا يكون زوجها لحقني هالحين ...
يوم ابعدت شوي تنفست الصعداء وقلت : ياشين الطفاقة وبس ,,,
وانتم سالمين
ابعرف وش لون تتصرف
