واذا انا امر بشايبنا الغالي للتاكد هل هو مخرف كما نسب له احد الاعضاء واذا بالشياب يذكروني ويذكر احذيتي فقال لي (وراك غيرت نعالك ولا زود دراهم قلتله لا ياعم مهوب زود دراهم ولاكن الله يخلف على ذوليك انزرفن يوم رحت للرياض قال قلعتك هذا اللي يروح ويخلي ديرته اللهم لك الحمد وش زين بعدين انت وراه ماتشتري زبيريات) فجلست افكر اهذا مخرف كما ينسبون له فإذا انا اقاطعه و اسئله وقلت له (قلت هاه ماهنا جديد ياعم قال ابشر باللي يرضيك قلت عطنا
قال :
بنت القصيم زين وبياض***** احلى من بنت الرياض

بنت القصيم مثل النسيم***** فيها الدلع شي عظيـم

بنت القصيم مثل الزهر ***** يا محلا بسمة هالثغـــر

بنت القصيم ضبي اصيــــل***** عيونها تشفي العليـــل

بنت القصيم نجمة مســــــــا***** من شافها اسمه نســـــا

بنت القصيم احلى الطيوف****من عقبها ما اقوى اشوف

بنت القصيم ريح الخزام***** تطلق من العين السهام

بنت القصيم حلوة نبهـــــــــا***** من شافها غصب حبهـا

بنت القصيم غصن مايـــــــــل ***** جامعه لكل الخصايــل

بنت القصيم عشق ولهان***** لاهي بأنسيه ولا جـــان

بنت القصيم سن وخصــــــــر***** والشعر متعه للنضـــر

بنت القصيم خضر المــــزون****سنونها عقد مكنــــــون

بنت القصيم رقــه وحــــــده ***** ليناظرت شامخ تهده

بنت القصيم خفيفة الطينه****حبوبه وحلوه حنونه وزينه

فقلت كفا ياعم يكفي يكفي يكفي.
وانا الى الان افكر اهذا مخرف نعم هو طاعن في السن ولكن ليس بمخرف فسـاذنت منه وانصرفت..

الدرر الحسان فيما ورد من صفات القصمان (((الجزء الاول)))