بسم الله الرحمن الرحيم
كثر الكلام والسب والتجريح للاعب فهد المفرج واصبح(بعض)كتاب منتدى الجمهور الهلالي (اللي شكلة ماقد لعب كورة من يوم ماجابته امه) يتكلم وكانه محاضر رياضي في الاتحاد الدولي فاصبح يكيل التهم والالقاب السيئة للاعب الخلوق(فمن المعوق الى لاعب بالواسطة)وغيرها من التهم السخيفة مثل سخافتهم وسطحيتهم والله انكم سوف تسالون املم الله عن كل كلمة كتبتوها وقراها الالاف وهو لا يرضاها والله انكم سوف تسالون عنها هذه من الناحية الشخصيه

اما من الناحية الفنية فهو ماله ذنب ذنبة ان المدربين اللي يجون يعجبون به !!!
وبعدين اتحدى اي واحد يقول انه يلعب بالواسطه يثبت ذلك ؟؟؟
وتعالوا ليش انتوا شايلين عليه كل هذا لاعب اخطاءه اقل من القليلة انا الان مااتذكر الاخطا واحد قدام النصر (هدف البيشي) واللي حاقد عليه عشان كذا اقول اول حاجه انت ماتفهم كوره لان المدافع لابد له من اخطاء واحسن المدافعين اقلهم اخطاء وشكلك انت ماشفت نستا (احسن مدافع في العالم ) وش سوابه رونالدينو وايتو

والله مع احترامي لعقليات بعض الجمهور اقول انها ماتفهم كورة
فاي لاعب جديد الابيخلونه نجم لو يسوون مشاكل واكثر نوعيات الجمهور من النوع مع الخيل ياشقراء فانا لو اني اوتيت فصاحة اللسان كان اقدر اسوي من اي لاعب في الهلال نجم خيالي
ولكن على صفحات الانترنت وليس على الحقيقة فبعد ان قالوا جاء منقذ الهلال والمنتخب الهداف ا لذي سيشق طريقه نحو العالميه في اسرع وقت واشوف صورته (قلت شكله رونالدو صغير) ونشوف اول مباراة قلنا ماتاقلم ولكن للاسف طلع نجم على ورق (لاعب يفتقد لابجديات كرة القدم)واما الثاني اللي شرشحوا الخثران على شانه والا بيلعبونه بالغصب وخلوا خانة الخثران شوارع (مع اني اعتقد انه من اسباب ارتفاع مستوى الهلال وجود الخثران في الظهير الايسر)وفي الاخير لاعب عادي ولكنه حماسي
والثالث اللي قالوا انه بيكون احسن وسط يمين في السعوديه وسقوه من الاهلي واخر شى وبعد سنتين يطلع ما يطقها اساسي ولا في مرخ والمشكلة الا الان فيه عينات من نوع مع الخيل ياشقراء تطالب بالابقاء عليه
اما الطامة الكبرى الموضوع المثبت الان واللي يطالبون بعدم تنسيق لاعب عشانه جاب هدف والهدف ماجاء من قوة الشوته اومن احترافيتها ولكن من رعونتها وغباء حارس المرمى كوره ولا اسهل منها وجايب كاتب الموضوع صور للهدف الهذا وصلت هذه العينات من الجمهور من اجل هدف تطالب بلاعب وبقوه ويتم تثبيت الموضوع ومن اجل غلطة تمسح بلاعب الارض وتطالب بتنسيقة ولو انه بيدها لرمته للكلاب لتاكل من لحمه وفي النهايه اقول لكم قارنوا بين ماضي المفرج وبين هؤلاء اللاعبين (النجوم من ورق)
والسلا م عليكم ورحمة الله وبركاتة