اتركو المباريات واتركو الصداره الله يلعن ابليس, وش هالمعلقين المخيسين وش هالنظام
يالجزيره معلقين مريضين قسم بالله , عطونا ناس تخششنا جو بالمباريات موب تغثنا
بصراخه ولا ذباتهم على الفريق , الكعبي قدام ميلان ما خلى متش انهزم فيه الريآل
بنتيجه كبيره الى وكرره ذبحنا كأننا اول فريق ينهزم , المشكله الريآل متقدم بهدفين
ويمدح ميلان نعنبو شكلك تمدحهم على ايش على فريق 90 دقيقه ما تعدى النص .
الحمد لله ان عندي نوفا والسكاي ولا كان علوم .


متشنا

مباراه مافيها اي مقارنه بين الفريقين , فريق متصدر بالدوري والابطال ونفسيته عال العال
بعد ما جلد الطليان , وفريق متهالك ونتايجه مترديه وغير كذا بالبرنابيو وقدام جمهور قعد
يشجع ويصارخ 90 دقيقه قدام الزلايب الثلاثاء يعني جمهور متحمس ولاعبين متحمسين اكثر
نبي هجوم من البدايه وخلص على المتش من 20 دقيقه واقعد دلع الجمهور وسمعونا
احلى Oleeeeeeeeeeeeee .


متش برشلونه

والله يا بيحصل تفلت من ميسي وفيا مـ الله به عليم , فريق ابو كلب ومتذيل الترتيب وغير كذا
دفاع زلايب يعني فرصه لبرشلونه يسجل اكبر قدر من الاهداف خخخ
ودي اقول اغدي سرقسطه يتفلت بس مالظاهر .

اتلتيكو والغواصات

الفريق الاول فايز امس بثلاثه ومروق ومرتاح , الثاني ضيع الصداره وفايز بنتيجه صعبه امس
1-0 مع ان المتش على ارضه وقدام فريق ضعيف , مدرب فياريآل ممتاز ومسوي شغل
كبير هالموسم مع انه تقريبا الاسماء الي عندهم ما تقول كبيره مقارنه ببقيه الانديه
الثانيه , لكن قدر يسوي شيء صعب وينافس على الصداره .

الاتلتيكو تقريبا رجع يلعب صح واقويرو رجع يسجل , اتوقع نشوف متش مفتوح على الاخر
ويمكن نشوف +18 من نيلمار واقويرو .
متش حلو انصحكم تتابعونه .


متش فالنسيا

مايوركا لقم هدف من اسبانيول الاسبوع الي راح وانهزم على ارضه , مايوركا فريق يلخمك
مره تشوفهم متفلتين وتقول بس هذولا ينافسون على كل البطولات ومره تشوفهم تقول قهر
يلعبون بالليغا , عندهم لاعبين ممتازين وموزعين على من الحارس الى الهجوم بس مدربهم
مدري وش يبي احس شيء يسويه بحياته ان برشلونه ما قدرو يفوزون عليه الى الحين ههههههه
نجي لفالنسيا فريق توه متعادل بملعب صعب ويبي يعوض قدام جمهوره ويرجع من جديد ينافس
على الصداره , اتوقع هدف مبكر لفالنسيا وبيلحقه الثاني بنص الشوط الاول وبينتهي المتش .


عوافي ابو جعفر <