الموضوع:
|| رابطة ♥ عشاق الملوك ♥ 2010 / 2011 ♥ ||
مشاهدة مشاركة بصفحة مستقلة
#
5326
20/10/2010, 03:37 AM
البلانكو10
زعيــم مميــز
تاريخ التسجيل: 22/07/2007
المكان: @jehad_10
مشاركات: 2,235
مبروك الفوز
! .. وهارد لك للميلان الكبير ! ..
بصراحه ماادري وش اقول لان كل شيء كان واضح للعيان
! ..
الفريق تفاجئت اليوم انه لعب بدون اي ضغوط نفسيه مثل ماكان الريال دايم يلعب ! .. الا لعب المباره كأنها اي مباره زياده على الحوافز النفسيه للفوز ! ..
صحيح ممكن كانت بسبه الهدفين المبكرين ! .. ولكن الوضع يقول ان مورينهو له يد في اخراج الفريق من ضغط المباره الكبيره وظهور الفريق بالوجه والحماس ذا
! ..
السنه الماضيه الفريق سجل مبكر ولكن تحس انه مكبل ويبي يثبت شيء زياده ! .. هذا غير انه كان ضايع تكتيكيا وغير واقعي ! ..
اليوم الفريق بوجود مورينهو تحس انه متحرر ومتعطش ويبي يفوز ! .. وحتى مع التقدم الفريق كان واقعي ومنضبط تكتيكيا وكان مركز تماما الا في بعض الفترات ( وخاصه في اخر المباره ! ) ..
الفريق كان مميز ومورينهو لعبها صح ! .. واليغري كان مفهي بالتشكيل الي دخل به ! ..
وزي ماقلنا اذا كان اليغري بيلعب برونالدينهو في متوسط الميدان فأن الظرس بيختفي لانه بيكون مكتوم بين الونسو وخضيره وهذا الي صار ! .. وزيد عليها كمان ان الفريق اهلك الميلان لياقيا بتناقل الكره وكمان الضغط الكبير يوم يفقدها ( خصوصا على بيرلو وسيدروف ! ) ..
وكمان لا ننسى الدفاع يوم انه كان مركز تركيز تام في موضوع لعب الكره من خلفهم ! .. عشان كذا كانت كل كور ميلان عقيمه وبدون فائده ! ..
لانه مااحصلوا فرصه يلعبوا الكره وان حصلوها لعبوها لخلف المدافعين بدون فائده وقطعوها الذيبان وترجع الامور زي ماكانت من اول ونقعد نتناقلها ونضغط ونهاجم
! ..
الدفاع في اول اختبار حقيقي كان ممييز ! .. صحيح فيه تكات بسيطه ولكن كعموم كان مميز ونجح في الاختبار ! ..
انا ماابتكلم عن بيبي ولا كرفهاليو لانهم كانوا ابطال اليوم ! .. لكن بتكلم عن اهم لاعب واكثر لاعب كان مختبر وكانت العيون عليه اكثر شيء ! ..
والي هو مارسيلو
! .. اتوقع بعد اليوم مافي احد بيشكك في تطور مستواه الكبير لانه ابدع امام فريق واسماء كبيره وقدر يكتمهم ! ..
فرق السنه الماضيه عن السنه ذي ! .. السنه الماضيه كان شارع لباتو والعيال
! .. لكن السنه كان صمام امان وجهه هجوميه ضاربه ! ..
مارسيلو لاعب عنده امكانيات كبييييييييره ! .. وكانت عنده من الموسم الماضي ! .. لكن ماكان عنده الانضباط والقتاليه على الكره ! .. والي اكتسبها السنه ذي مع مورينهو
! ..
حب اثبات النفس امام مورينهو فجر لنا موهبه مارسيلو بشكل كبير ! .. بشكل اتوقع ان كلنا حاليا نقول الحمد لله الفريق مااتعاقد كولاروف وصبرنا على مارسيلو
! ..
محاور الفريق ! .. خضيره
والونسو
..
اذا كان فيه احد جعل الفريق يظهر بالشكل ذا هم ذولا الاثنين ! .. انظباط تكتيكي كبير ومسانده دفاعيه كبيره ومسانده هجوميه فعاله ونقل للكره بشكل ممتاز وقطع الكره بشكل سليم وبدون اخطاء ! ..
الاعبين ذولا مكملين لبعض ! .. وفرق بين خضيره والونسو و الونسو ولاسانا ! ..
وذا الشيء يرجعنا لخضيره نفسه الي حل مشكله الربط في الفريق ومشكله الاعب الي بجانب الونسو ! ..
خضيره قلوب من هنا الى تونس وترجع ثاني الى ميونخ
! .. مجهوود خرافي يقدمه الولد ذا ! .. الاعب يقدم مجهود كبير ماشاء الله ! .. ومهو اي مجهود بس مجرد ركض زي لاسانا
الا مجهود كبير وبعقل ! .. الولد يعرف متى يضغط ومتى يهدى ومتى يدخل بدون ماايدمر الفريق ويدمر الاعب الي معه ! .. وبطريقته يريح الفريق ويريح الونسو معه الي يظهر قاعد يقدم مستويات كبيييييييييره بفضل الاعب الي بجانبه ! ..
وطبعا اليوم قدموا مستوى كبير من الناحيتين ! .. وهم السبب بعد الله مع مورينهو بظهور الفريق بالمستوى المبهر ذا ! ..
اما الجزء الهجومي
! .. كان اليوم عالي العال في صنع الهجمات وهلك دفاع الميلان بس كان سيء في موضوع استغلال الفرص ! ..
اليوم الفريق لو استغل الفرص الي جاته كان على الاقل اربعه وانت مريح
! ..
هو الحمدلله على الفوز طبعا ! .. ولكن فرص زي كذا امام فريق مثل الميلان لازم تستغلها عشان تهايط فيها قدام خخ ! ..
بس كعموم الفريق في المقدمه قدم الي عليه ! .. وسجل هدفين اعطتنا اكثر من مجرد 3 نقاط ! ..
رونالدو
! .. لا قالوا لك الاصيل يظهر معدنه امام الكبار ! .. فهذا رونالدو اظهر معدنه اليوم ! ..
فعل كل شيء في المباره اليوم ! .. سجل وصنع وسحب وقطع واستعرض وشات الين كح
! .. وكان الافضل اليوم
( مع ثنائي المحور ) ! ..
اوزيل الحلاق
! .. يكفيني انك خليتني اشك في احتياجنا لكاكا
! ..
دي ماريا
! .. صحيح كان وسخ اليوم وضيع وتأنن بس كان ممتاز في موضوع الضغط والمسانده الدفاعيه وقلق وخلخله دفاع الميلان ! .. وان تأنن وضيع بس بصراحه قدم مستوى كبير يستحق الاشاده
! ..
هيغواين
! .. الظاهر ماااتبينا نعفو عنك
! .. ياخي كل الي نبيه انك تسجل هدف في فريق كبير بس عشان تسكتنا بس ونسامحك ونفتح صفحه جديده
! ..
صحيح اليوم كان مستوه مقبول الى جيد ! .. بس مهو هذا الي نبيه من مهاجمنا الاول ! ..
وباقي غاضب عليه ترا
! ..
عموما مبروك الفوز ثاني
الي يعتبر فوز مهم بالنسبه لنا وللفريق ! .. طبعا مهو عشان الميلان ولا عشان الترتيب ! .. الا عشان النفسيات الي عندنا خخ
! ..
وكشعور عام تحس ان جزء من الضغط بدا ينزاح عن الفريق وعن مورينهو ( لانه حقق شيء ماقدر يحققه بيلي في الموسم الماضي ) ! .. وشعور اكبر وثقه اكبر في مورينهو والفريق ! ..
وان شاء الله ذا الشعور يساعد الفريق على المواصله اكثر واكبر في الابطال وتكون الخطوه الاولى لفك عقده ال 16
! ..
كل التوفيق للريال يارب ! .. واسفين على الاطاله < لا ياشيخ خخ
البلانكو10
مشاهدة الملف الشخصي
البحث عن كافة المشاركات التي كتبت بواسطة البلانكو10