17/10/2010, 09:27 AM
|
 | مشرف منتدى الرياضة العربية والعالمية | | تاريخ التسجيل: 07/09/2003 المكان: جــــ الجــوفـ ــــوفـ
مشاركات: 20,208
| |
.  لما تشوف افضل لاعبين فريقك في السنوات الاخيره
الماضية .. والحارس اللي ياما كان هو السد المنيع يغلط مثل
هالغلطة الشنيعة تدري ان الاوضاع بالفريق نفسياً مزرية !
اللوم على الجميع إبتداءاً من السير إلى اصغر لاعب في الفريق
واللوم الاكبر على اللاعبين اللي ماهم حاسين باللي قاعد يصير
نقاط بالهبل قاعده تضيع وشخصياً فقدت الامل بالدوري مع اني
اعرف ان فارق الست نقاط ماهو شي ابد .. بس من يرجع الروح ؟!
الروح ثم الروح هي كل اللي نحتاجه .. تكتيكياً وعناصرياً ما تغيرت
اشياء كبيرة بالفريق هي نفس الاسماء اللي كانت تتالق وتكتسح بس
اللي صاير شي صعب صعب جداً .. اللاعبين اللي وضعوا انفسهم
في هالمأزق ولازم هم يطلعون أنفسهم منه .. بأي طريقة !
كلامي هذا ما يعني اني اعفي السير من المسئولية .. السير بالنهاية
بشر يخطي ويصيب واللوم اللي عليه يقع بسبب البرود اللي يعاني منه
مؤخراً .. هل السير استسلم بعد إصابة فالنسيا ؟! .. نتائج تشلسي حسسته
بالاحباط ؟! .. متيقن ان الفريق صعب ينافس بهالوضع .. مادري اسئلة
كثيرة تدور براسي وانا اشوف اللي قاعد يحصل بس ما ألقى إجابه !
انا على يقين ان الفريق راح يتجاوز هالازمة بس متى وكيف ما ادري !
لا زلنا في بداية الموسم .. وبالاسماء الموجودة نقدر نصحح اوضاعنا بس
نحتاج في البداية وقفة تأمل وجلسه تهزئ من السير لكل اللاعبين بدون
استثناء .. السير يقدر يطلع كل شي مدفون من اللاعبين .. وهالوقت أنسب
شي .. ان شاء الله يتعدل الوضع قريباً .. كلي ثقة 
تحية كبيرة لـ ويست بروم على الاداءات الجبارة اللي قاعد يقدمها
فريق تحوّل من فريق عادي يروح للملاعب الكبيرة وياكل نتايج
كبيرة إلى فريق شرس يقاتل ويهدد ويهاجم ويلعب كورة قدم جميلة
ما أنكر نتايجه الجيدة كان يقابلها فتور عجيب ودور غريب في مستويات
المانيو و الارسنال من قبل على سبيل المثال .. بس اللي يسوونه يُحسب
لهم ولـ دي ماتيو اللي عرف كيف يصنع فريق قوي باسماء جداً بسيطة
والحمدلله ان اودمينجي مالعب امس !!
هاردلك مانشستراوية الجاي أحسن بإذن الله
مبروك للفايزين 
.  |
