بعد التحيه والسلام

ماأقول الا الله يسامح السبب في تعطيل تفعيل اشتراكي لفترة ليست بالقصيرة

إلى ماقبل مباراة النصر والهلال بأيام سجلت ولم أستطع المشاركه إلا الآن

وقد كدت أن أجعل قريحتي تصب في هجاء ( المشرفين على منتديات الزعيم)

قبل مدح الزعماء الأفذاذ العظام باستثناء ( عزيز والنزهان ومن شابههم اللي جابوا لنا الصمرقع )


>>>> وش عندك يافرزدق الغفله


أشعاري بإذن الله ستكون دفاعا عن الزعيم قبل أن تكون مدحا به

ولن يترك لساني كل من يتطاول على الزعيم ولو بكلمه اساءه واحده

وأتمنى من المشرفين تفهم هذه النقطه في هذا المنتدى

يوجد في تلك الجريدة ذات ( العقول الصفراء المخططه بقلوب سوداء) كويتب صغير

يدعى ( منيف الحربي )

ويبدو أن ( عادل عصام الدين ) منحه الضوء الاخضر للاساءه بزعيمه الازرق وتاج راسه

وراس البكيري وابوبكر ( مالي ومال الناس ) بدون رقيب ولاحسيب


وانا اقول خذ يامنيف هالابيات مني وخل اللي حولك يستأدب من الحين لايجيه اللي يجيك :



صارت صحافتنا رصيف لـ شوارع

........................ تفحيط لاقلامٍ بدا فيه ( ورعـــان )


تعبيرهم ( سطحي ) /من الجهل شابع

..................... باسم ( التعصب ) صار لحروفهم شان


لو للمطابع ( عين ) تبكي المطابع

.................... وشلون نطبع كلمه لشخص ( مرضان)


يبغى يصير فـ ظرف أيام لامــع

...................ويرقى على ( كتوف ٍ ) تشيله للامزان


يدري ( فريقـه) بين الاوهام ضايع

.................. وماله أمـل لو ظل يكتب لـه ازمــــان


( سامي ) مسبب له صداع ومواجع

................ واسـم ( الهــلال) يدوّخــه وين ماكان


حش فـ ( زعيمه) يمكن يصير رائـع

................ يركض ورى الشهره ولو كان غلطان


والله من اسلـوبـه هقيته ( مصارع)

................ ودك يجي ( كومبارس ) فيلم لـ ( جاكي شان)


رايـه مثل آراء كل ( التوابـــع )

.................. نقـدٍ مكرر ينتـهـــي عنــد ( الا لـــــوان )


وان كــان حــرفـه صار لاذع ولاذع

................. حنا ترانــا نلـذعـــه بين ( الاوزان )


وبقول انا لريّـسـك ياشيخ ( طالع)

................ وشلون في صفحتك ( تفحيط ورعــان)!!





شاعر الهلاليين