نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

100% هلالي · #8 30/10/2004, 10:22 PM

أهلين ابو ريناز

والله شكلك مشكلتك مشكله ---> اعتقد إنها جمله مفيده ولا

عموماً :

بكل صراحه أحسن شهر رمضان مر علي الشهر هذا .. أحس إني قايم بواجباتي الدينيه الله يغفرنا ويتوب علينا بس .

بعض الناس يصقعونها نومه من الفجر للمغرب وإذا سألتهم كيفهم والصيام قالو : الحمد لله لا جوع ولا عطش !!

وين الصلاة والعباده .. والي ما يصلي ما راح يقبل صيامه أبداً ؟

طال عمرك بالنسبه لي .. أخذت إجازه من الدوام لمده 24 يوم الي هي تبدأ من اثنين رمضان إلى 24 رمضان لئن اليوم الأول الجمعة ( إجازه

) وبعدها تبدأ الأجازه الممنوحه للموضفين إلى خامس العيد يعني أجازتي أكثر من شهر

ويا زينها من إجازه صراحه تفرغت للصلاة ( بوقتها ) وهذا جدولي اليومي :-

اتسحر مع الأهل وبعد السحور اصلي الفجر وأنام
ويقوموني اهلي الساعة 12 وعشر دقايق الظهر اقوم اغسل واتوضى واصلي
وأرجع انام الساعة 1 الظهر ويقوموني اهلي الساعة 3 وربع العصر اقوم واصلي العصر وارجع للبيت اقرى لي قليل من القرأن وبعدها ادخل النت شوي وبعد النت ( طق كورة بليستيشن

) إلين يذن المغرب .
افطر واروح اصلي المغرب بعد الصلاة ارجع للبيت واكلي وجبه خفيفه وبعدها ( طاش ما طاش ) وابو العصافير

اول ما تقضي المسلسل يكون اقام صلاة العشاء . اصلي العشاء وركعتين من التراويح ( بعض الأحيان )

على حسب فيه إرتباط ولا شيء .
وبعدها ارجع للبيت مسلسلات وطقطقه ومسايير في إستراحات
وبعدين اواااصل إلى السحور .. وعلى هل حاله يومياً .

والحمد لله أحس إني مبسوط ومرتاح نفسياً

....................................

وانا انصحك إذا أنت مرتبط بدراسه او دوام إنك تنام بدري .. وأهم شي وانا اخوك .. الصلاة لا تفوتك في وقتها .. صدقني الي جازم إنه يخلي هالشهر شهر عباده خالصه لله وتصحيح الأوضاع وطلب رضاء الله سبحانه وتعالى .. ما راح يثقل نومك خصوصاً للصلاة

والله يهدي الجميع إن شاء الله ويصلحهم

لك الشكر يالغالي على هل موضوع الرائع .