احلى مافي هالصوره انها للايفون <<<<

نرجع لموضوعنا طبعاً المزح عن الموت والمزح السخيف هذا تبع الرجال لانهم دفشين بقوه المشكلة مايفرق بين شيء تقدر تمزح فيه وشيء ماحد يقبل انك تمزح فيه


يعني بالله الموت وسالفته لو قالي واحد من اخوياي خويك مات صحيح اني ماراح ابكي مثل النسوان بس بحزن يعني في شيء يضحك في الحزن ؟ .. لا بس كذا استهبال ...

طبعاً اكثر مزحه قهرتني في حياتي كلها مزحتين ومن نفس الشخص وبيني وبينكم قطعت علاقتي معه والسبب ( كل الي مخاوينه يشتكون من مزحه )


اول موقف :
يوم من الايام وكالعادة مع الشباب طالعين للاستراحه وكوره وبلايستيشن ومسبح وحركات ومندي وفله للفجر لعبنا كوره ثم جينا نشوف المسبح جاء خويي ودفني على المسبح وطبعاً كان جوالي ...
معي الي جاني هديه وللامانه كان من امي واطلع من المسبح وانا اناظر فيه بعيون حاقده

طبعاً الجوال انتقل الى رحمة الله للاسف << وحسيت امي تطالع فيني وتقول وه بس


ثاني موقف :
كنا طالعين لمكه بالنقل الجامعي وقت المدراس بين الفصلين ( اجازة الاسبوع الي اهله الرياض كلهم بالشرقية يالله تحييهم ) المهم مع اخوياي حجزنا ورتبنا اوضاعنا وكل شيء جاء اليوم الثاني وحنىَ بمكه يقول خويي ان النقل الجماعي يقول مافي حجز على اليوم الي حنىَ نبغاه مافي الا بعدها بـ 5 ايام يعني راح نتشرد بمكه
ولا من الغباء ماصدقناه قلنا له جب الاورق نشوف وعطانا لو ان حنىَ قرينا كم سطر كان عرفنا انه كذاب بس شفنا الورقة على الطاير ورجعنها له ( بحكم انه الامير )
والي مايعرف معناة الامير يراسلني

خلاص الكل تضايق وصار مهموم الا اثنين من اخوياي طابخينها مع بعض طبعاً بعدها للاسف كرهت الطلعه معهم والسبب هالحركات ياخي تخرب سفرتي على شيء سخيف وماله داعي


كل الاحترام والتقدير