| والله ياطويل العمر حطيت اصبعك على الجرح من امس من بعد الهدف تحديدا الى الحين وانا مقهور من تنظيم الحائط والله لو اصف انا وانت واخوي واخوك حائط صد ماراح تمر الكره من بيننا انت لو ترجع للقطه شوف يد ولهمسون دفعت الفرج وسببت الثغره اللي جاء من الهدف وتمركز الحارس حسن كان بنص المرمى بالضبط انا مع وقفته في نص المرمى حسيت انه شاك يالتنظيم الدفاعي ليس الخطأ من حسن ابدا الخطأ من الحائط شي بديهي عند مثل هـ الكرات يد على الوجه ويد على المنطقه الحسآسه وعند ركل الكره تماسك فقط وقفز منظم يعني وقت واحد مثل الاخطاء هذي مايسويها ولا حتى اطفال مدارس يلعبون في حصة رياضه .. صراحه اللي علينا الحين الحضور في الايآب ومساندة الفريق والشوط الاول انتهى في ايران وباقي شوط آخر .. الفريق الايراني عنده ثقل في منطقة الدفاع ومن ابجديات الكره مدافع ثقيل يقابله لاعب سريع ومهآري اما بخصوص الفرج والعابد الخبره خانتهم وبالتوفيق لهم | 