السلام عليكم ..

قالو .. بطولة مستعصيه .. بطولة صعبه .... الخ


والحقيقه واضحه الهلال هو من يضع نفسه تحت هذه المسميات ..

يعني زي مباراه اليوم ..

ياخي حرام تشوف اللاعبين يتعازمون على من يخلص الكورة قدام المرمى !!

ياخي حرام انت تقدر تهاجم ورغم كذا تفقد هويتك بالملعب لا انت مدافع ومقفل صح ولا انت مهاجم ..

اؤمن ان الهلال في الرياض بياكلهم اكل ويمكن توصل للخمسه ..

وبنتآهل ان شاء الله ..

لكن والله حرررام بطولة زي هذي نتآهل ونلعب مع انديه اقل مستوى منا ونخسر على ارضها ولانظهر بصورتنا اللي المفروض تكون عطفا على الاسماء والتكتيك الموجود ..

قهررر والله .. نضيع فرصة اعادة امجاد الهلال في اراضي الخصوم ..

والله لـ درجة ماصار الواحد متحمس وعنده طموح لتحقيق البطولة ..

وش هالبطولة اللي نخسر عند الخصوم ونفوز على ارضنا ..

والله شي يقهرر ..


عموما الهلال اليوم انظلم من التحكيم وغير مجريات المباراهـ بلنتي لـ عيسى صحيح وكرت احمر في بلنتي ياسر ..

وبعدين ياخي انا مشجع ومتابع للهلال اعرف طريقة ويلي في التسديد وانها ضعيفه

ياخي وين سامي كـ مدير للفريق بالملعب وين قيرتس كـ مدرب يوصون لاعب يكون اكثر قدرة ؟

والله العابد يشوت احسن منه في البلنتيات ..


ارجع واشكر الفريدي وهوساوي والعابد وحسن العتيبي وياسر القحطاني ومن خلفهم المدرب قيرتس لانهم كل شخص اعطى وقدم اكثر من 70% من اللي نعرفه عنه ..

وعلامة استفهام كبيرهـ على مستوى سلطان البرقان اليوم وايضا سلمان الفرج ..

وقد نعذرهم لانهم مايلعبون اساسيين ..

لكن حرام مستوى المرشدي اليوم وتمركزه في اغلب الكرات سيء ما كآنه لاعب كبير وله خبره كبيره ..



عموما اؤمن بـ قوة الهلال اللي فرضها في مباراه اليوم ويقدر بحول الله يكسب الاياب بنتيجة كبيره ..

لكن ......

شي يقهر لما ماتستغل كل ظروف قوتك وضعف الخصوم في فرض اسمك كـ نادي كبير غاب عن البطولة فتره وعاد لها ..

بصراحه لم يعد الهلال للبطولة بقوته اللي بدأ فيها ..

لذلك .. فرحتي بالبطولة بعد ان تحقيقها ان كتبها الله لنا بتكون ملوثه ومشوهه ..

وهذا اصعب شي ممكن الواحد يعيشه ..